គម្រោងសណ្ឋាគារលំដាប់ផ្កាយប្រាំ និងខុនដូ វីនដាម របស់មជ្ឈមណ្ឌលលីស៊ីន CEO បញ្ចប់គ្រោងអគារ និង កសាងដល់ដំបូល ហើយនៅឆ្នាំ២០២២ នឹងបញ្ចប់ការសាងសង់
ភ្នំពេញ៖ ដោយមានកម្ពស់ជាង៣០ជាន់ គម្រោងសណ្ឋាគារផ្កាយប្រាំ និងខុនដូ វីនដាម របស់មជ្ឈមណ្ឌលលីស៊ីន CEO បានបញ្ចប់គ្រោងអគារ និងកសាងដល់ដំបូលហើយនៅឆ្នាំ២០២២គ្រោងនឹងបញ្ចប់ការសាងសង់ ។ នាពេលថ្មីៗនេះ មជ្ឈមណ្ឌលលីស៊ីន CEO បានប្រារព្ធពិធី បញ្ចប់ការសាងសង់គ្រោងអគារ ដោយមានការប្រសិទ្ធិពរពីព្រះសង្ឃ និង ការសម្តែងម៉ុងសាយ អមដោយសំឡេងម៉ាស៊ីនរបារដែកចុងក្រោយត្រូវបានបិទជិត ។
ជាសក្ខីភាពនៃភាពជោគជ័យនេះ អ្នកឧកញ៉ា ហ៊ុន តូ លោកប្រធានក្រុមហ៊ុនលីស៊ីនគ្រុប ស៊ី ម៉ីងជីង លោកនាយកក្រុមហ៊ុនលីស៊ីនគ្រុប វ៉ាង ចុងឡុង អ្នកស្រីប្រធាននាយកក្រុមហ៊ុនលីស៊ីនគ្រុប លីវ ខៃលី លោកប្រធានក្រុមហ៊ុនGCC អ៊ី ជាឈី លោកនាយកប្រតិបត្តិGCC ឡាយ យ៉ានឈី ព្រមទាំងភ្ញៀវកិត្តិយសជាច្រើន បានអញ្ជើញចូលរួមក្នុងពិធីបើកសម្ពោធន៍នេះ ។ លោកប្រធានក្រុមហ៊ុនលីស៊ីនគ្រុប ស៊ី ម៉ីងជីង ថ្លែងថា ជំងឺកូវីដ១៩បានប៉ះពាល់ដល់ការដ្ឋានសំណង់ក្នុងរាជធានីភ្នំពេញ ហើយការដ្ឋានខ្លះទៀតត្រូវបានផ្អាកការសាងសង់ ។ ក៏ប៉ុន្តែក្រុមហ៊ុនលីស៊ីនគ្រុបមិនបានឈប់ ឬផ្អាកការសាសង់ទេ គឺនៅតែបន្តពង្រីកទៅមុខរហូត ។ ដោយប្រកាន់ខ្ជាប់យ៉ាងម៉ឺងម៉ាត់ចំពោះវិធានការរបស់រាជរដ្ឋាភិបាល ក្នុងការបង្ការ និង ទប់ស្កាត់ការរីករាលដាលនៃកូវីដ១៩ និង គោលបំណងនៃការសាងសងប្រកបដោយសុខសុវត្ថិភាព ក្រុមហ៊ុនលីស៊ីនគ្រុបបានបញ្ចប់គម្រោងហេដ្ឋារចនាសម្ពន្ធ័ប្រកបដោយភាពជោគជ័យ ជាមួយនឹងល្បឿនលឿន គុណភាព និង មានប្រសិទ្ធភាព ។ លោកបន្តថា ការបោះជំហ៊ានទៅមុខដោយជោគជ័យរបស់ក្រុមហ៊ុនលីស៊ីន CEO បានធ្វើឱ្យសណ្ឋាគារផ្កាយប្រាំ និងខុនដូ វីនដាម សាងសងដល់ដំបូលនៃអាគារ ដែលមានន័យថា ពិតជាបានចាក់គ្រឹះយ៉ាងរឹងមាំដល់ដំណាក់កាលបន្តបន្ទាប់ ។ យោងតាមផែនការក្នុងកាសាងសង់បន្ទាប់របស់ក្រុមហ៊ុនលីស៊ីនCEO បានផ្តោតសំខាន់ទៅលើរូបរាងខាងក្រៅនៃដំបូលអាគារ ដែលមានរូបរាងពពក និង សំណង់ខាងក្នុងនៃសណ្ឋាគារលំដាប់ផ្កាយ ៥ វីនដាម នឹងបញ្ចប់ក្នុងពេលឆាប់ៗនេះតាមការគ្រោងទុក ។ ក្នុងរយៈពេលប៉ុន្នានឆ្នាំចុងក្រោយនេះ វិស័យសេដ្ឋកិច្ចកម្ពុជា មានការរីកចំរើនយ៉ាងលឿន ។ ការរីកចំរើននេះមានអាត្រាប្រមាណ ៧% ក្នុងរយៈពេល៩ឆ្នាំជាប់ៗគ្នា នេះធ្វើឱ្យការវិនិយោគបរទេសកាន់តែច្រើនឡើងនៅក្នុងប្រទេសកម្ពុជា ។ ដោយមានតម្រូវការកាន់ តែច្រើននូវអាជីវកម្ម និងកន្លែងស្នាក់នៅកើនឡើងនោះ ធ្វើឱ្យទីផ្សារអចលនទ្រព្យកាន់តែមានប្រជាប្រិយភាពជាបន្តបន្ទាប់ ។ ក្រុមហ៊ុនលីស៊ីនគ្រុប គឺជាក្រុមហ៊ុនដ៏ឆ្នើមមួយនៅក្នុងចំណោមក្រុមហ៊ុនឆ្នើមដ៏ច្រើននៅក្នុងព្រះរាជាណាចក្រកម្ពុជា ។
នៅឆ្នាំ២០១៣ ដោយយោងតាមអនុលោមគោលនយោបាយ «ផ្លូវមួយ-ខ្សែក្រវ៉ាត់មួយ»នៅតំបន់អាស៊ីអាគ្នេយ៍ ក្រុមហ៊ុនលីស៊ីនគ្រុប បានបង្កើតការិយាល័យកណ្តាលរបស់ខ្លួននៅចំកណ្តាលរាជធានីភ្នំពេញ ។ ក្រុមហ៊ុនលីស៊ីនគ្រុប បានអភិវឌ្ឍន៍ខ្លួនក្លាយជាក្រុមហ៊ុនដ៍ធំមួយ ដោយមានការរួមបញ្ចូលការអភិវឌ្ឍដីធ្លី ការអភិវឌ្ឍអចលនទ្រព្យ បម្រើសេវាកម្មទេសចរណ៍ ជំនួញពាណិជ្ជកម្មអន្តជាតិ ម្ហូបអាហារ និង ឧស្សាហកម្មទ្រង់ទ្រាយធំ ក្រោមការសហការួមគ្នារវាងកម្ពុជា និង មហាសម្ព័ន្ធមិត្តចិន ។ ចំពោះការអភិវឌ្ឍវិស័យអចលនទ្រព្យ ផ្ទៃដីទំហំ២៥០០ហិកតានៃគម្រោងលីស៊ីនស៊ីកាងស៊ីនឆឹង ត្រូវបានសាងសង់ដោយក្រុមហ៊ុនលីស៊ីនគ្រុបនិងរាជរដ្ឋាភិបាលកម្ពុជា នឹងជំរុញការផ្លាស់ប្តូររចនាសម្ព័ន្ធឧស្សាហកម្មរបស់ក្រុងព្រះសីហនុទាំងមូល និងទាក់ទាញយ៉ាងខ្លាំងនូវការវិនិយោគ និងសហគ្រាសបរទេស ។ វាក៏ជាមជ្ឈមណ្ឌលឧស្សាហកម្មដ៏មមាញឹក ក្នុងគម្រោងផ្លូវមួយខ្សែក្រវ៉ាត់មួយនៅតំបន់អាស៊ីអាគ្នេយ៍ ហើយវាក៏ជាគម្រោងថ្នាក់ជាតិសម្រាប់កម្ពុជានាពេលអនាគតជាមួយនឹងពិភពលោក ។ ក្រៅពីគម្រោងលីស៊ីនស៊ីកាងស៊ីនឆឹងនៅក្រោមបុត្រសម្ព័ន្ធរបស់ក្រុមហ៊ុនលីស៊ីនគ្រុប ក៏មានគម្រោងអភិវឌ្ឍន៍ដ៏សម្បូរបែបសម្រាប់ក្រុងព្រះសីហនុ សណ្ឋាគារផ្កាយប្រាំអមជាមួយទេសភាពឆ្នេរ ហើយលើសពីនេះ ក្រុមហ៊ុនលីស៊ីនគ្រុប និងក្រុមហ៊ុនGCCគ្រុប បានរួមគ្នាបង្កើតគម្រោងសំណង់វីឡាទំហំប្រហែល៣៤ហិកតានៅរាជធានីភ្នំពេញឈ្មោះថា បុរី NADIនិងគម្រោងទីក្រុងពាណិជ្ជកម្មអូរឫស្សីថ្មីភ្នំពេញ។ទន្ទឹមនឹងនេះក្រុមហ៊ុនក៏បានរៀបចំផែនការអភិវឌ្ឍជាច្រើនដំណាក់កាលជាបន្តបន្ទាប់ ។ ម៉្យាងវិញទៀត ក្នុងនាមជាក្រុមហ៊ុនអចលនទ្រព្យលំដាប់កំពូលរបស់កម្ពុជា ហើយក៏ជាអ្នកសាងសង់ និងត្រួសត្រាយនាពេលអនាគតជាមួយនឹងបទពិសោធន៍ពាណិជ្ជកម្មជាច្រើនឆ្នាំ ការយល់ច្បាស់អំពីទីផ្សារក្រុមហ៊ុនលីស៊ីនគ្រុបក៏មានឆន្ទៈក្នុងការទទួលខុសត្រូវរបស់ខ្លួន ក្នុងការបញ្ចូលធនធានដែលមានគុណភាពខ្ពស់ជូនដល់ទីក្រុង និងប្រជាជន ។ ស្ថិតនៅក្នុងបរិបទនេះ អាផាតមិនសណ្ឋាគារអាជីវកម្មស្រាលំដាប់ផ្កាយ៥ រួមបញ្ចូលទាំងគេហដ្ឋានដែលមានគុណភាពខ្ពស់ និង អាជីវកម្មលំដាប់ខ្ពស់មួយបានចាប់កំណើតឡើង ។ ទន្ទឹមនឹងនេះ លីស៊ីន CEO បានសហការជាមួយក្រុមហ៊ុនសណ្ឋាគារលំដាប់ពិភពលោក គឺសណ្ឋាគារលំដាប់ផ្កាយប្រាំ វីនដាម ដើម្បីផ្តល់ជូននូវសេវាកម្មកម្រិតផ្កាយប្រាំឈានមុខគេ លើពិភពលោកដល់ប្រជាជននៅរាជធានីភ្នំពេញ ដើម្បីឱ្យភ្ញៀវគ្រប់រូបទទួលបានការគោរព និងកោតសរសើរនៅទីនេះ ៕