ផលិតកម្ម Galaxy Navatra បង្ហាញអត្តសញ្ញាណអ្នកនិពន្ធបទភ្លេង “កាត់ឆុង” របស់លោក ព្រាប សុវត្ថិ និងកញ្ញា តន់ ចន្ទសីម៉ា
ភ្នំពេញ៖ ផលិតកម្ម Galaxy Navatra បានបង្ហាញអត្តសញ្ញាណអ្នកនិពន្ធបទភ្លេង “កាត់ឆុង” របស់លោក ព្រាប សុវត្ថិ និងកញ្ញា តន់ ចន្ទសីម៉ា ដែលកំពុងល្បីនៅលើបណ្តាញសង្គម និងទទួលការចាប់អារម្មណ៍ខ្លាំងពីទស្សនិកជន ។
បងប្អូនពិតជាជ្រាបច្បាស់ហើយ បទចម្រៀងរួមគ្នារបស់កញ្ញា តន់ ចាន់សីម៉ា និងលោក ព្រាប សុវត្ថិ គឺបទ “កាត់ឆុង” ដែលបច្ចុប្បន្ននេះកំពុងតែល្បី និងមានការគាំទ្រខ្លាំងពីសំណាក់យុវជន-យុវនារីនៅក្នុងសង្គមខ្មែរ ។ បទដំបូងក្នុងអាលប៊ុបពិសេសនេះ ត្រូវបាននិពន្ធទំនុកភ្លេងដោយលោក សាក់ ធារិទ្ធ ។ លោក សាក់ ធារិទ្ធ គឺជាអ្នកពន្ធល្បីឈ្មោះ ធ្លាប់មានស្នាដៃជាច្រើនបទកន្លងមក ហើយបច្ចុប្បន្នគាត់ជាអ្នកនិពន្ធកុងត្រាប្រចាំក្នុងផលិតកម្ម Galaxy Navatra ។ តាមរយៈ Channel Galaxy Navatra បង្ហាញអោយដឹងពីបទ “កាត់ឆុង” ត្រូវបាននិពន្ធបទភ្លេងដោយលោក សាក់ ធារិទ្ធ ។
បទចម្រៀងច្រៀងរួមគ្នារបស់កំពូលតារាចម្រៀង ព្រាប សុវត្ថិ និង តន់ ចន្ទសីម៉ា ក្នុងអាល់ប៊ុមដំបូងនេះ ត្រូវបានគេមើលឃើញថា គ្រាន់តែចេញមិនបានប៉ុន្មានថ្ងៃផង មានអ្នកទស្សនាជាច្រើនលានដងទៅហើយ ដែលនេះបង្ហាញអោយឃើញថា វិស័យសិល្បៈចម្រៀងខ្មែរកាន់តែទទួលបាននូវការគាំទ្រយ៉ាងខ្លាំង ហើយវាក៏ជាកម្លាំងចលករមួយផងដែរ ដើម្បីលើកចិត្តអោយផលិតករ និងអ្នកនិពន្ធបទចម្រៀង មានទឹកចិត្តតស៊ូធ្វើការងារលើវិថីសិល្បៈទៅមុខទៀត ដើម្បីបំពេញតាមសេចក្តីត្រូវការរបស់ទស្សនិកជន ៕
