ស្ថានទូតកម្ពុជាប្រចាំប្រទេសថៃនៅថ្ងៃទី២កុម្ភៈឆ្នាំ២០២១ សហការជាមួយមូលនិធិលើកកម្ពស់សិទ្ធិនិងគុណភាពជីវិតពលករ(LPN) និងអាជ្ញាធរមូលដ្ឋាន ចុះចែកអំណោយដល់ពលករខ្មែរប្រមាណ១៣០នាក់ ជួបការលំបាកខ្លាំងដោយសារការរីករាលដាលជំងឺកូវីដ១៩ នៅសយឆានមឿង ទីក្រុងបាងកកប្រទេសថៃ។

ការចុះចែកអំណោយនោះ ត្រូវស្ថានទូតបញ្ជាក់ថា ប្រកាន់ភ្ជាប់នូវការរក្សាគម្លាតក្នុងសង្គម ពាក់ម៉ាស លាងសម្អាតដៃដោយជែលអាល់កុល និងវិធានការនានារបស់សុខាភិបាលដើម្បីបង្ការការពារជំងឺកូវីដ១៩។ ពលករខ្មែរទាំងនោះ បង្ហាញសេចក្ដីត្រេកអរយ៉ាងខ្លាំង និងថ្លែងអំណរគុណស្ថានទូតដែលតែងតែយកចិត្តទុកដាក់ចំពោះពលករខ្មែរនៅប្រទេសថៃ៕កឹម ទៀង