ភ្នំពេញ ៖ កម្លាំងសមត្ថកិច្ចប៉ុស្តិ៍ព្រែកឯង នៃអធិការខណ្ឌច្បារអំពៅ បានឃាត់ខ្លួនជនសង្ស័យចំនួន ០២នាក់ នៅវេលាម៉ោង ០១ និង ៣០ នាទី ថ្ងៃទី០៣ ខែកុម្ភៈ ឆ្នាំ២០២១ ត្រង់ចំណុចមុខដីឡូត៍គ្មានលេខ ផ្លូវលំ ភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ពីបទ៖ ជួញដូរ និងប្រើប្រាស់ដោយខុសច្បាប់នូវសារធាតុញៀន

លោកវរសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានឲ្យដឹងថា ជនសង្ស័យដែលឃាត់ខ្លួនរួមមាន ៖ ទី១- ជនសង្ស័យឈ្មោះ សឹម វិច្ឆិកា ភេទ ប្រុស អាយុ២២ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅភូមិមិត្តភាព១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ និងទី២- ឈ្មោះ ពេញ សេត ភេទ ប្រុស អាយុ១៩ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

ដោយឡែក ដកហូតបានវត្ថុតាងរួមមាន៖

• ម៉ូតូ០១គ្រឿងម៉ាក suzuki viva ពណ៌ខ្មៅ ពាក់ស្លាកលេខភ្នំពេញ 1Z-3078 លេខតួ+លេខម៉ាស៊ីន E443-TH348453
• ទូរស័ព្ទដៃ០១គ្រឿងម៉ាក vivo ពណ៌ឈាមជ្រូក ប្រើលេខស៊ីម 081 299 430
• និងក្រាមពណ៌សរថ្លាចំនួន ២០ កញ្ចប់ (១៩កញ្ចប់ង់តូច និង ០១កញ្ចប់ថង់ធំល្មម) ។

បច្ចុប្បន្ននេះ ជនសង្ស័យរួមនឹងវត្ថុតាង ខាងលេី ត្រូវបានសមត្ថកិច្ចជំនាញខណ្ឌកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៏តាមនីតិវិធី ៕ ដោយ ៖ ភារ៉ា និងប៊ុនធី