ថ្ងៃនេះ! ថៃមានស្លាប់ព្រោះជំងឺកូវីដ១៩ ថែម២នាក់ទៀត កើនដល់៨២នាក់ហើយ
អត្ថបទដោយ៖
លន់ សារ៉ាត
អាជ្ញាធរថៃបានប្រកាសពីការស្លាប់មនុស្សដោយសារតែជំងឺកូវីដ១៩ចំនួន២នាក់បន្ថែមទៀត នាថ្ងៃទី១៥ កុម្ភៈ ២០២១នេះ ធ្វើឲ្យចំនួនអ្នកជំងឺកូវីដ១៩ដែលបានស្លាប់នៅប្រទេសនេះបានកើនដល់ ៨២នាក់។
ជាមួយគ្នានេះ ថៃក៏បានប្រកាសពីករណីវិជ្ជមានកូវីដ១៩ ចំនួន១៤៣នាក់ទៀតដែរ ថ្ងៃចន្ទនេះ ក្នុងនោះ ភាគច្រើនគឺជាការឆ្លងក្នុងសហគមន៍ ខណៈដែល១១នាក់ក្នុងចំណោមនេះគឺជាអ្នកមកពីក្រៅប្រទេស។ ខេត្តមានសាមុត សាខន មានឆ្លងថ្មី៥៣នាក់ ខេត្តណាខន ផាទុមមាន៨នាក់ ព្រមទាំងខេត្តផ្សេងៗទៀតដែរ។
គិតត្រឹមព្រឹកថ្ងៃទី១៥ កុម្ភៈនេះ ថៃមានអ្នកកើតជំងឺកូវីដ១៩ សរុបចំនួន២៤៧១៤នាក់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
