ភ្នំពេញ ៖ កម្លាំងប៉ុស្តិ៍នគរបាលគោកឃ្លាង នៃអធិការដ្ឋាននគរបាលខណ្ឌសែនសុខ បានឃាត់ខ្លួនជនសង្ស័យម្នាក់ ករណីប៉ុនប៉ងលួចម៉ូតូកង់បីឥណ្ឌា កាលពីវេលាម៉ោង០៤ និង០០នាទី ថ្ងៃទី១៩ ខែកុម្ភៈ ឆ្នាំ ២០២១ នៅចំណុចមុខហាងតាយស៊ីង ផ្លូវ១០១៩ ភូមិរោងចក្រ សង្កាត់គោកឃ្លាង ខណ្ឌសែនសុខ ។

ជនសង្ស័យមានឈ្មោះ ឈីវ ឡុង ភេទប្រុស អាយុ២៨ឆ្នាំ ជនជាតិខ្មែរ មុខរបគ្មានស្នាក់នៅមិនពិតប្រាកដ (មានសារថាតុញៀន) បានធវើសកម្មភាពប៉ុនប៉ងលួចម៉ូតូកង់បីឥណ្ឌារបស់ជនរងគ្រោះឈ្មោះ ឈ្មោះ ម៉ាត់ សុស ភេទប្រុស អាយុ៣៩ឆ្នាំ ជនជាតិខ្មែរឥស្លាម មុខរបរត់ម៉ូតូកង់បីឥណ្ឌា ស្នាក់នៅបន្ទប់ជួល ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។ សម្ភារៈបន្សល់ទុក ម៉ូតូកង់ឥណ្ឌា០១គ្រឿង ពាក់ស្លាកលេខភ្នំពេញ1HI-8743 ។
បច្ចុប្បន្ន ជនសង្ស័យរូបនេះកំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ ដោយ ៖ ភារ៉ា និងប៊ុនធី