កូវីដ១៩៖ នាយករដ្ឋមន្ត្រីថៃប្រកាសថានឹងចាក់វ៉ាក់សាំងចិនមុនគេ ខណៈវ៉ាក់សាំងនឹងមកដល់ស្អែក
អត្ថបទដោយ៖
លន់ សារ៉ាត
នាយករដ្ឋមន្ត្រីថៃ លោក ប្រាយុទ្ធ ចាន់អូចា នឹងក្លាយជាពលរដ្ឋថៃមុនគេ ដែលត្រូវចាក់វ៉ាក់សាំងបង្ការជំងឺកូវីដ១៩ ផលិតដោយក្រុមហ៊ុនចិន Sinovac Biotech ជាការចាក់បង្ហាញជំនឿចិត្តដល់សាធារណជនចំពោះវ៉ាក់សាំងនេះ ធានាទាំងប្រសិទ្ធិភាពនិងសុវត្ថិភាព។
លោក ប្រាយុទ្ធ បានប្រាប់សារព័ត៌មានបាងកកប៉ុស្តិ៍ កាលពីថ្ងៃទី២២ កុម្ភៈម្សិលមិញថា «ខ្ញុំត្រៀមខ្លួនរួចរហើយ ក្នុងការចាក់វ៉ាក់សាំង»
ប្រទេសថៃបានបញ្ជាទិញវ៉ាក់សាំង២លានដូស ឬ ម្ជុល ពីក្រុមហ៊ុនចិន ហើយវ៉ាក់សាំងទាំងនេះនឹងមកដល់តាមដំណាលកាល ចំនួន៣លើក ក្នុងនោះ ២០ម៉ឺនដូសមកដល់ថ្ងៃពុធស្អែកនេះ ៨០ម៉ឺដូសទៀតមកដល់ខែមិនា ខណៈ១លានដូសទៀតមកដល់នៅខែមេសា៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ