ក្រុមការងារសហព័ន្ធកីឡាទូកកានូ និងរ៉ូអុីងកម្ពុជា បានចុះពិនិត្យទីតាំងរមណីដ្ឋាន 7 N G ត្រៀមរៀបចំការប្រកួតជាលក្ខណៈអន្តរជាតិ
![](https://asset.ams.com.kh/central/media/2021/03/IMG_2494-1024x768.jpg)
ប្រតិភូសហព័ន្ធកីឡាទូកកានូ និងរ៉ូអុីងកម្ពុជា ដឹកនាំដោយ ឯ ឧ បណ្ឌិត មាស សារិន អនុ ប្រធាន អចិន្ត្រៃយ៍សហព័ន្ធ ឯ ឧ ឯម ម៉ាអូរី អនុប្រធានសហព័ន្ធ ឯ ឧ ឧត្តមសេនីយ៍ឯក ជា ប៊ុន ហេង អគ្គលេខាធិការក្រុមប្រឹក្សាកីឡាក្រសួងមហាផ្ទៃ និងជាអគ្គលេខាធិការសហព័ន្ធកីឡាទូកកានូ និងរ៉ូអុីង កម្ពុជា និងគណៈកម្មការបច្ចេកទេស ទៅពិនិត្យមើលទីលានប្រកួត នៅរមណីយដ្ឋាន 7 N G ។
![](https://asset.ams.com.kh/central/media/2021/03/IMG_2463-1024x768.jpg)
![](https://asset.ams.com.kh/central/media/2021/03/IMG_2476-1024x768.jpg)
កញ្ញា មាស តឿ អគ្គហិរញ្ញឹក សហព័ន្ធទូកការនូ បានអោយដឹងថា ការចុះពិនិត្យទីតាំងទទួលស្វាគមន៍យ៉ាងកក់ក្តៅពីសំណាក់លោកឧកញ៉ា ស្រី ចាន់ថន អគ្គនាយកក្រុមហ៊ុន Jet Group Sky land 7 N G សម្របសម្រួលដល់ក្រុមការងារសហព័ន្ធទូក ដើម្បីត្រៀមការប្រកួតនានា ទាំងការប្រកួត ថ្នាក់ជាតិ និងអន្តរជាតិ ជាពិសេសសម្រាប់ត្រៀមរៀបចំព្រឹត្តិការណ៍ប្រកួតកីឡាស៊ីហ្គេម (SEA Games ) លើកទី៣២ ឆ្នាំ២០២៣ ដែលព្រះរាជាណាចក្រកម្ពុជា ទទួលធ្វើជាម្ចាស់ផ្ទះ ។
![](https://asset.ams.com.kh/central/media/2021/03/IMG_2392-1024x576.jpg)
![](https://asset.ams.com.kh/central/media/2021/03/IMG_2403-1024x768.jpg)
![](https://asset.ams.com.kh/central/media/2021/03/IMG_2405-1024x768.jpg)
កញ្ញា មាស តឿ បន្ថែមថា គណៈកម្មការបច្ចេកទេសបានពិនិត្យឃើញថា ស្ថានភាពទឹកមានលក្ខណៈស្តង់ដារ និងទីកន្លែងល្អអាចរៀបចំការប្រកួតជាលក្ខណៈអន្តរជាតិបាន ។ កញ្ញា បញ្ជាក់បន្ថែមថា ក្រៅពីផ្តល់ទីតាំងសម្រាប់សហព័ន្ធទូក លោកឧកញ៉ា ស្រី ចាន់ថន បានមានប្រសាសន៍ថា និងសាងសង់អាគារស្នាក់នៅដល់កីឡាករ កីឡាការិនី សម្រាប់ធ្វើការហ្វឹកហាត់ផងដែរ ។
![](https://asset.ams.com.kh/central/media/2021/03/IMG_2496-1024x768.jpg)
![](https://asset.ams.com.kh/central/media/2021/03/IMG_2498-1024x768.jpg)
![](https://asset.ams.com.kh/central/media/2021/03/IMG_2497-1024x768.jpg)
![](https://asset.ams.com.kh/central/media/2021/03/142698067_1693824854119155_6425187931923134426_o-1024x768.jpg)
![](https://asset.ams.com.kh/central/media/2021/03/142838248_1693814494120191_5140067577433750311_o-1024x768.jpg)
![](https://asset.ams.com.kh/central/media/2021/03/142859254_1693814120786895_1796439008673612372_o-1024x768.jpg)
គួររម្លឹកថា បើតាមការបញ្ជាក់របស់លោកឧកញ៉ា ស្រី ចាន់ថន អគ្គនាយកក្រុមហ៊ុន Jet Group Sky land 7 N G បាអោយដឹងថា ក្រៅពីគំរោងអាគារ ខុនដូ ប្រណិត រោងចក្រឧស្សាហ៍កម្ម ក្រុមហ៊ុន Jet Group គ្រោងនឹងសាសង់ទីលានប្រណាំងរថយន្ត និងកន្លែងប្រណាំងកង់ក្រោមដី ដែលមានទំហំផ្ទៃដីប្រហែល ៤០០,០០០ ម៉ែត្រការ៉េ ស្មើនឹង ៤០ហិតា ដោយរៀបថ្មភ្នំហំព័ទ្ធជុំវិញ នៃទីលាននេះ ដែលមានទីតាំងស្ថិតនៅ ក្នុងសួនកំសាន្តស្កាយលែន 7NG នៃទឹកដី ឃុំវិហារសួគ៌ ស្រុកខ្សាច់កណ្តាល ខេត្តកណ្តាល ៕
![](https://asset.ams.com.kh/central/media/2021/03/142736267_1693814304120210_90116154320846280_n.jpg)
![](https://asset.ams.com.kh/central/media/2021/03/142736267_1693824454119195_4839579704115236732_o-1024x576.jpg)