តូបលក់ឥវ៉ាន់មួយចំនួនក្នុងផ្សារអូរឫស្សី បានបិទទ្វារផ្អាកការលក់ដូររបស់ខ្លួនក្រោយសេចក្តីរាយការណ៍អំពី អាជីវករ២នាក់បានឆ្លងជម្ងឺកូវីដ១៩។ ប្រធានផ្សារអូរឫស្សីលោក ហ៊ត វណ្ណធី បានប្រាប់បណ្តាញសារព័ត៌មាន ក្នុងស្រុកថាការបិទតូបបណ្តោះអាសន្ននោះ មានចំនួនជាង១០តូបប៉ុណ្ណោះ និងមានការណែនាំឲ្យអាជីវករ សង្ស័យជាប់ពាក់ព័ន្ធ ទៅធ្វើចត្តាឡីស័កតាមផ្ទះរយៈពេល១៤ថ្ងៃ។ សេចក្តីរាយការណ៍ពីប្រធានផ្សារដដែល អាជីវករទាំង២ដែលបានឆ្លងនោះ គឺម្នាក់ជាអ្នកលក់ខោអាវ និងម្នាក់ទៀតជាអ្នកលក់គ្រឿងទេស។