យោធាមីយ៉ាន់ម៉ាប្រកាសបទឈប់បាញ់គ្នា តែមិនមែនជាមួយក្រុមបាតុករនោះទេ
មីយ៉ាន់ម៉ា៖ រដ្ឋាភិបាលយោធាមីយ៉ាន់ម៉ានៅថ្ងៃពុធនេះនិយាយថា ខ្លួនកំពុងអនុវត្តបទឈប់បាញ់គ្នារយៈពេលមួយខែជាឯកតោភាគី ប៉ុន្តែលើកលែងចំពោះសកម្មភាពដែលរំខានដល់សន្តិសុខ និងប្រតិបត្តិការរបស់រដ្ឋាភិបាល ខណៈការប្រការនេះបង្ហាញយ៉ាងច្បាស់ថា នេះមិនមែនឈប់បង្ក្រាបដោយហិង្សាបណ្តាលឲ្យមនុស្សស្លាប់ទៅលើចលនាតវ៉ាទ្រង់ទ្រាយធំ ដែលកើតមានរាល់ថ្ងៃទូទាំងប្រទេសប្រឆាំងនឹងរដ្ឋប្រហារកាលពីថ្ងៃ១ ខែកុម្ភៈឡើយ ។
ការប្រកាសបានកើតឡើង បន្ទាប់ពីមានការប្រយុទ្ធគ្នាជាមួយក្រុមប្រដាប់អាវុធភាគតិចហោចណាស់២ក្រុមដែលមានភាពរឹងមាំនៅតាមតំបន់ព្រំដែន ។ ក្រុមប្រដាប់អាវុធជនជាតិភាគតិចមួយចំនួនបានព្រមាន និង គំរាមដល់រដ្ឋាភិបាលយោធាមីយ៉ាន់ម៉ាថា នឹងធ្វើការប្រយុទ្ធ ប្រសិនបើមិនឈប់សម្លាប់អ្នកតវ៉ាដែលជាជនស៊ីវិលគ្មានអាវុធក្នុងដៃ ។
រដ្ឋាភិបាលយោធាមីយ៉ាន់ម៉ាបាននិងកំពុងស្វែងរកសម្ព័ន្ធភាពជាមួយក្រុមជនជាតិភាគតិចដែលប្រដាប់ដោយអាវុធ ដែលបានដាក់សម្ពាធលើរដ្ឋាភិបាលយោធា ។ វាទំនងដូចជាពួកគេចង់បង្កើតនូវអ្វីដែលពួកគេហៅថា កងទ័ពសហព័ន្ធ ដែលជាបន្ទុកមួយរបស់កងកម្លាំងប្រដាប់អាវុធរបស់រដ្ឋាភិបាល ។ យ៉ាងណាមិញ នៅមិនទាន់មានប្រតិកម្មភ្លាមៗទេ ចំពោះការប្រកាសបទឈប់បាញ់គ្នាពីកម្លាំងជនជាតិភាគតិចប្រដាប់ដោយអាវុធ ៕ CNA
