ថ្ងៃនេះ! ថៃឆ្លងកូវីដ១៩ ចំនួន៣៣៤នាក់ទៀត មានទាំងរដ្ឋមន្ត្រីម្នាក់ដែរ
នៅថ្ងៃពុធ ទី៧ មេសា ២០២១នេះ អាជ្ញាធរថៃបានប្រកាសពីការឆ្លងជំងឺកូវីដ១៩ ចំនួន៣៣៤នាក់បន្ថែមទៀត។ ជាមួយគ្នានេះដែរ រដ្ឋមន្ត្រីដឹកជញ្ជូនថៃលោកក៏បានឆ្លងជំងឺកូវីដ១៩ពីបុគ្គលិកក្រសួងដែរ។
លោករដ្ឋមន្ត្រីដឹកជញ្ជូន Saksayam Chidchob ដែលក៏ជាអគ្គលេខាធិការគណបក្ស Bhumjaithai បានឆ្លងជំងឺនេះ ហើយត្រូវបានបញ្ជូនទៅសម្រាកព្យាបាលនៅមន្ទីរពេទ្យប៊ូរីរ៉ាម់។ លោកបានតេស្តកាលពីម្សិលមិញដែរ តែអវិជ្ជមាន តែព្រឹកមិញនេះ លោកបានឡើងកម្តៅ មានគ្រុនផង ក៏ទៅតេស្តម្តងទៀត ហើយលទ្ធផលបង្ហាញថា លោកវិជ្ជមានកូវីដ១៩។
រដ្ឋបាលគ្រប់គ្រងស្ថានភាពកូវីដ១៩របស់ថៃបានឲ្យដឹងថា ក្នុងចំណោម អ្នកវិជ្ជមានទាំង៣៣៤នាក់ថ្មី មាន៧នាក់ប៉ុណ្ណោះដែលជាករណីនាំចូលនោះ។ ថៃមានអ្នកកើតកូវីដ១៩ សរុបកើនដល់២៩៩០៥នាក់ហើយ៕