ហាងកាត់សក់មួយឈ្មោះ «ពិសីកាត់សក់បុរសនារី» ក្នុងខណ្ឌទួលគោករាជធានីភ្នំពេញ ត្រូវគេរកឃើញមាន អ្នកឆ្លងកូវីដ១៩ម្នាក់ ដែលជាជាងអ៊ុតសក់នៅទីនោះ។ ហាងពិសីកាត់សក់បុរសនារី គឺជាហាងដែលមានទីតាំង ស្ថិតនៅផ្ទះលេខ១០១ ផ្លូវលេខ១៤៦ នៃសង្កាត់ផ្សារប៉ូទី២។

អនុគណៈកម្មការស្រាវជ្រាវជំងឺកូវីដ១៩ បានអំពាវ នាវ ដល់ប្រជាពលរដ្ឋដែលធ្លាប់ចូលទៅទទួលសេវាហាង ពិសីកាត់សក់បុរសនារីនោះរវាងពីថ្ងៃទី២០ខែមីនា ដល់ថ្ងៃទី៤ ខែមេសា ឆ្នាំ២០២១ សូមប្រញាប់ទៅធ្វើតេស្តជាបន្ទាន់ ប្រសិនបើមានអាការៈមិនស្រួលខ្លួន ឬលេច ចេញរោគសញ្ញា គ្រុនក្តៅ ក្អក កណ្តាស់ ឈឺក ហៀរសំបោរ ហត់ ឬពិបាកដកដង្ហើម ។ សម្រាប់អ្នកដែលគ្មាន រោគសញ្ញា សូមដាក់ខ្លួនដាច់ដោយទ្បែកនិងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែអ្នកបាន ប៉ះពាល់ ឫទៅទីកន្លែងនោះ។