អង្គការមូលនិធិរូបិយវត្ថុអន្តរជាតិ (IMF) ព្យាករណ៍ពីកំណើនសេដ្ឋកិច្ចរឹងមាំក្នុងឆ្នាំ២០២១នេះ ខណៈដែលរដ្ឋាភិបាលនានាបានចំណាយប្រាក់ដ៏ច្រើនដើម្បីស្តារសេដ្ឋកិច្ចឡើងវិញ

- Advertisement -spot_img

បរទេស៖ អង្គការមូលនិធិរូបិយវត្ថុអន្តរជាតិ (IMF) បញ្ជាក់ថា ការចាក់វ៉ាក់សាំងដែលកំពុងបង្កើនល្បឿន និងការចំណាយប្រាក់ដ៏ច្រើនរបស់រដ្ឋាភិបាលនានា ជាពិសេសនៅសហរដ្ឋអាមេរិក បានជំរុញទស្សនវិស័យសម្រាប់សេដ្ឋកិច្ចពិភពលោក ។

ចក្ខុវិស័យសេដ្ឋកិច្ចពិភពលោករបស់អង្គការមូលនិធិរូបិយវត្ថុអន្តរជាតិ (IMF) ឥឡូវនេះមើលឃើញកំណើនសេដ្ឋកិច្ចពិភពលោក៦,០ភាគរយក្នុងឆ្នាំ២០២១នេះ បន្ទាប់ពីធ្លាក់ចុះ៣,៣ភាគរយក្នុងឆ្នាំ២០២០ ដែលបណ្តាលមកពីការរីករាលដាលនៃជំងឺកូវីដ១៩ ដែលវាជាការធ្លាក់ចុះដ៏អាក្រក់បំផុ តចាប់តាំងពីមហាវិបត្តិសេដ្ឋកិច្ចកាលពីមួយសតវត្សរ៍កន្លងទៅ ។ ប្រធានសេដ្ឋវិទូរបស់អង្គការមូលនិធិរូបិយវត្ថុអន្តរជាតិ (IMF) លោកស្រី ហ្គីតា ហ្គោពីណាតនិយាយថា ការឆ្លើយតបរបស់រដ្ឋាភិបាលនានាយ៉ាងឆាប់រហ័ស ក្នុងនោះរួមមានថវិកាសាធារណៈសរុបចំនួន១៦លានលានដុល្លារ បានទប់ស្កាត់លទ្ធផលដ៏មហាអាក្រក់ ពោលគឺការដួលរលំសេដ្ឋកិច្ច ដែលអាចនឹងមានផលវិបាកធំជាងនេះរហូតដល់ទៅ៣ដង ។

លោកស្រីបានសង្កត់ធ្ងន់ថា វិបត្តិសុខភាពនៅតែជាកត្តាសំខាន់ក្នុងការស្តារសេដ្ឋកិច្ចឡើងវិញ ហើយការចាក់វ៉ាក់សាំងយឺតយ៉ាវនៅក្នុងបណ្តាប្រទេសកំពុងអភិវឌ្ឍន៍ជាច្រើន មិនត្រឹមតែបង្កឱ្យមានការរីករាលដាលនៃជំងឺកូវីដ១៩កាន់តែអាក្រក់ប៉ុណ្ណោះទេ ប៉ុន្តែក៏នាំឱ្យបញ្ហាអនាគតដ៏ស្មុគស្មាញសម្រាប់ប្រទេសទាំងនោះផងដែរ ។ បើតាមអង្គការ (IMF) នោះ សេដ្ឋកិច្ចរបស់ចិនដែលនៅតែមានកំណើនកាលពីឆ្នាំមុន ទោះជាពិភពលោករងគ្រោះដោយសារជំងឺកូវីដ១៩នោះ នឹងកើនឡើង៨,៤ភាគរយក្នុងឆ្នាំ២០២១នេះ ខណៈដែលតំបន់ចាយលុយអឺរ៉ូ ក៏នឹងឃើញផលិតផលក្នុងស្រុកសរុប (GDP) កើនឡើង៤,៤ភាគរយ ប្រសើរជាងការព្យាករណ៍គ្រាមុនផងដែរ ៕ ប្រភព៖ Reuters

ឈឹម​ ទីណា​
ឈឹម​ ទីណា​
លោក​ ​ឈឹម​ ​ទីណា​ (C​h​him​ ​T​y​n​a​) ​ជា​អ្នកនិពន្ធ​ព័ត៌មាន​ជាតិ​ទូទៅ​ ​សេដ្ឋកិច្ច​ ​និង​អន្តរជាតិ​ ។ លោកបាន​ប្រឡូក​នៅ​តាម​ស្ថាប័ន​ធំ​ៗជា​ច្រើន ​ទាំង​ទូរទស្សន៍​ ​គេហទំព័រ​ ​និង​បណ្តាញ​សង្គម។​ ​លោកជា​អ្នក​យក​ព័ត៌មាន​ជាតិ​ទូទៅ​ ​សេដ្ឋកិច្ច​ ​និង​អន្តរជាតិ​ ជា​អ្នក​សរសេរ​អត្ថបទ​ ​ថត​ ​កាត់ត​ ​បញ្ចូល​ស​ម្លេ​ង​ ​អ្នកប្រែ​សម្រួល​ ​និង​អត្ថាធិប្បាយ​ ​។​ ​លោក​​​មាន​ទំនាក់ទំនង​ស្អិត​រ​មួត​ជាមួយ​អង្គភាព​ ​និង​ក្រុមហ៊ុន​តូច​-​ធំ​ជាច្រើន​នៅ​កម្ពុជា​ ​ដែល​គុណសម្បត្តិ​ទាំងអស់​នេះ​ ​នឹង​ផ្ដល់​ជូន​ទស្សនិកជន​នូវ​ព័ត៌មាន​ដ៏​សម្បូរ​បែប​ប្រកបដោយ​ទំនុក​ចិត្ត​ ​និង​វិជ្ជាជីវៈ​ ​៕

ព័ត៌មានពេញនិយម

ព័ត៌មានចុងក្រោយ

- Advertisement -spot_imgspot_img

ព័ត៌មានជាប់ទាក់ទង

- Advertisement -spot_img