ម្ចាស់ភោជនីយដ្ឋានបាយ័នចូលរួមឧបត្ថម្ភគ្រឿងឧបភោគបរិភោគ ដើម្បីចូលរួម និងលើកទឹកចិត្តដល់លោកគ្រូពេទ្យ អ្នកគ្រូពេទ្យដែលលះបង់ទាំងកំលាំងកាយកម្លាំងចិត្ត ជួយព្យាបាលប្រជាពលរដ្ឋកម្ពុជាដែលរងគ្រោះដោយជម្ងឺកូវីដ១៩ គណៈគ្រប់គ្រងនៃភោជនីយដ្ឋានបាយ័នទាំងពីរសាខា(បាយ័នបឹងស្នោរ និងបាយ័នផ្លូវឯកឧត្តម ជា សុផារ៉ា) បាននាំយកនូវអាហារពេលល្ងាចចំនួន ១២០កញ្ចប់ សរុបជាទឹកប្រាក់ ២,១៦០,០០០ រៀល និងទឹកសំរង ម៉ូលីហ្រ្វេស ជូនដល់លោកគ្រូពេទ្យ អ្នកគ្រូពេទ្យ ដែលកំពុងព្យាបាលអ្នកជម្ងឺកូវីដ១៩ ជួរមុខនៅមន្ទីពេទ្យមិត្តភាព កម្ពុជា-សូវៀត៕