បុគ្គលណាដែលធ្លាប់ទៅបន្ទប់ព្យាបាលជំងឺអនុវត្តរាជធានី អូរបែកក្អម សូមប្រញាប់តាមដានសុខភាពរបស់ខ្លួន ដោយសារមានអ្នកឆ្លងកូវីដ១៩ បានធ្វើដំណើរចេញចូលនិងសម្រាកព្យាបាលនៅទីនោះ។ បន្ទប់ព្យាបាលជំងឺអនុវត្តរាជធានី គឺជាកន្លែងដែលមានទីតាំងស្ថិតនៅផ្ទះលេខ ១៤គ ផ្លូវលេខ២៧១, ភូមិត្រពាំងឈូក, សង្កាត់អូរបែក ក្អមនៃខណ្ឌសែនសុខ។

អនុគណៈកម្មការស្រាវជ្រាវ បានអំពាវនាវដល់ប្រជាពលរដ្ឋដែលធ្លាប់ទៅបន្ទប់ព្យាបាល ជំងឺនោះរវាងពីថ្ងៃទី១៥ដល់ថ្ងៃទី ២១ ខែមេសា ឆ្នាំ២០២១ ឬមានទំនាក់ទំនងជាមួយបុគ្គលិកនៅទីនោះ ត្រូវដាក់ ខ្លួនដាច់ដោយឡែក និងយកចិត្តទុកដាក់តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបាន ប៉ះពាល់ ឬបានទៅទីកន្លែងមានហានិភ័យនោះ។