ជនង្ស័យ២នាក់ ដែលបន្លំខ្លួនជាឧត្តមសេនីយ៍យោធា ត្រូវបានចាប់ខ្លួនក្នុងខេត្តបាត់ដំបង។ ជនសង្ស័យបន្លំទាំង២ ត្រូវបានចាប់ខ្លួននារសៀលថ្ងៃទី២១មេសានៅភូមិស្តៅ, ឃុំបាយដំរាំ នៃស្រុកបាណន់។ ជនសង្ស័យទាំង២នាក់ ត្រូវគេបញ្ចេញអត្តសញ្ញាណឈ្មោះ រស់ វណ្ណៈ អាយុ ៣៣ ឆ្នាំ និងម្នាក់ទៀតមានឈ្មោះ រៃ វណ្ណសី អាយុ ៤០ ឆ្នាំ។

សមត្ថកិច្ចបានដកហូតវត្ថុតាងរួមមានអាវត្រីអ៊ីដៃខ្លី១, សក្ដិស្មាថ្នាក់ឧត្តមសេនីយ៍ឯក១គូ, សក្តិកអាវថ្នាក់ ឧត្តមសេនីយ៍ឯក១គូ, ផ្លាកឈ្មោះមានអក្សរឧត្តមសេនីយ៍ រស់ វណ្ណៈ ចំនួន១ និងសម្ភារៈយោធាជាច្រើនទៀត ដែលសុទ្ធតែជាសម្ភារៈប្រើប្រាស់ក្លែងបន្លំជាឧត្តមសេនីយ៍កងយោធពលខេមរភូមិន្ទ។