ប្រមុខការទូតចិនរំពឹងថា កិច្ចប្រជុំកំពូលរបស់មេដឹកនាំអាស៊ាននឹងជួយបន្ធូរបន្ថយស្ថានការណ៍តានតឹងក្នុងប្រទេសមីយ៉ាន់ម៉ា
អត្ថបទដោយ៖
ឈឹម ទីណា
ចិន៖ រដ្ឋមន្ត្រីការបរទេសចិន និងជាទីប្រឹក្សារដ្ឋចិនលោក វ៉ាង យី ថ្លែងថា ប្រទេសរបស់លោករំពឹងថា កិច្ចប្រជុំកំពូលអាស៊ានក្នុងទីក្រុងហ្សាការតា ប្រទេសឥណ្ឌូណេស៊ី នៅថ្ងៃសៅរ៍ចុងសប្ដាហ៍នេះ អាចនឹងជួយបន្ធូរបន្ថយស្ថានការណ៍តានតឹងនៅមីយ៉ាន់ម៉ា ។
កំឡុងកិច្ចពិភាក្សាជាមួយរដ្ឋមន្ត្រីការបរទេសថៃ និងរដ្ឋមន្ត្រីការបរទេសប្រ៊ុយណេតាមទូរស័ព្ទនៅថ្ងៃព្រហស្បតិ៍សប្ដាហ៍នេះ លោក វ៉ាង យី បាននិយាយថា ចិននឹងបន្តរក្សាទំនាក់ទំនងយ៉ាងជិតស្និទជាមួយអាស៊ាន ប៉ុន្តែលោកនៅតែសង្កត់ធ្ងន់ដដែលថា ការដោះស្រាយវិបត្តិគឺនៅតែត្រូវពឹងលើមីយ៉ាន់ម៉ាខ្លួនឯង ។
ប្រមុខការទូតចិនរូបនេះក៏បានសង្កត់ធ្ថន់ផងដែរថា ចិនប្រឆាំងរាល់អន្តរាគមន៍មិនសមស្របពីខាងក្រៅ ហើយទោះជាមិនបានបញ្ជាក់លម្អិត តែគេដឹងថា លោកចង់សំដៅលើអឺរ៉ុប និងសហរដ្ឋអាមេរិកដែលកំពុងដាក់ទណ្ឌកម្មលើរបបយោធាមីយ៉ាន់ម៉ា ៕ ប្រភព៖ ស៊ីនហួរ
![](https://asset.ams.com.kh/central/media/2021/04/2021-03-27T070240Z_623581963_RC2JJM9QY9W2_RTRMADP_3_MYANMAR-POLITICS-ARMY-ANNIVERSARY-1024x538.jpg)
![](https://asset.ams.com.kh/central/media/2021/04/c1_1815604_191214085939-1024x683.jpg)
![](https://asset.ams.com.kh/central/media/2021/04/TOPSHOTS-TOPSHOT-MYANMAR-POLITICS-MILITARY-084746-1.jpg)
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។