ភ្នំពេញៈ អ្នកនាំពាក្យក្រសួងព័ត៌មានបាន ឆ្លើយតបទៅនិងការលើកឡើង របស់គណៈកម្មការ អ្នកច្បាប់ អន្តរជាតិ (ICJ) និងក្រុម សង្គមស៊ីវិលក្នុងស្រុកមួយចំនួនតូច ដែលបានលើកឡើងថា អ្នកសារព័ត៌មាន និង ប្រព័ន្ធ ផ្សព្វផ្សាយ នៅ កម្ពុជាប្រឈម ការ គាបសង្កត់ កាន់តែ ខ្លាំង ឡើង អំឡុង ពេល នៃ ការ រាតត្បាត ជំងឺ កូ វីដ -១៩ គឺមិនបានឆ្លុះបញ្ចាំងអំពីស្ថានភាព ពិតប្រាកដ ក៏ដូចជា បរិយាកាសពិតប្រាកដ នៅក្នុងការអនុវត្តវិជ្ជាជីវៈ សារ ព័ត៍មាន នៅកម្ពុជាឡើយ។

លោក មាស សុភ័ណ្ឌ អ្នកនាំពាក្យក្រសួងព័ត៌មានបានមានប្រសាសន៍ថា ការលើកឡើងរបស់គណៈកម្មការ អ្នកច្បាប់ អន្តរជាតិ និងក្រុមសង្គមស៊ីវិលក្នុងស្រុកមួយចំនួនថា អ្នកសារព័ត៌មាន និងប្រព័ន្ធផ្សព្វផ្សាយ នៅ កម្ពុជាប្រឈម ការ គាបសង្កត់កាន់តែ ខ្លាំង ឡើង អំឡុង ពេល នៃ ការ រាតត្បាត ជំងឺ កូ វីដ -១៩ គឺមិនបានឆ្លុះបញ្ចាំងអំពីស្ថានភាព ពិតប្រាកដ ក៏ដូចជា បរិយាកាសពិត ប្រាកដ នៅក្នុងការអនុវត្តវិជ្ជាជីវៈ សារ ព័ត៍មាន នៅកម្ពុជាឡើយហើយការដែល លើកឡើងនេះ គឺប្រមូលបាន តែ ព័ត៌មានតែ មួយជ្រុងតូចប៉ុណ្ណោះ នៃស្ថានភាព ពិត ប្រាកដក៏ដូចជាការវិវត្តជាក់ស្តែង នៃការអនុវត្តនៃការប្រកបវិជ្ជាជីវៈ នៅកម្ពុជា ហើយការ ប្រមូលព័ត៍មានរបស់គាត់ គឺ ជាការ ប្រមូលព័ត៌មាន តែពីក្រុមមួយចំនួនតូចតែប៉ុណ្ណោះ ដែល តែងតែបំភ្លៃបំប៉ោងសភាពការណ៍អំពីការ អនុវត្ត វិជ្ជាជីវៈតែប៉ុណ្ណោះ។

លោកបានសង្កត់ ធ្ងន់ថា “ការដែល ក្រុមនេះលើកឡើង គឺជារឿងដដែល ៗ ហើយ ក៏ជាគំនិតប្រមមូលបានព័ត៌មានតែមួយជ្រុង ដែល វាមិនបាន ឆ្លុះបញ្ចាំង បរិ យាកាស ក៏ដូចជាស្ថានភាព ពិត ប្រាកដក្នុងការអនុវត្តវិជ្ជាជីវៈសារព័ត៌មាន នៅកម្ពុជានោះទេ។ កន្លងមកនេះ ការ អនុវត្តច្បាប់ទៅលើអ្នក សារព័ត៌មាន ដែល ប្រព្រឹត្ត ប្រាសចាកក្រមសីលធម៌ និង ប្រាសចាកច្បាប់នោះ វាមិនមែនជាការរិតត្បិតសេរីភាពសារព័ត៍មាន ឬក៏ជាការគំរាមកំហែងបំបិទសំឡេងរបស់ អ្នក សារព័ត៌មាននោះទេ។ ការ អនុវត្ត ច្បាប់នេះ គឺយើង អនុវត្ត តែ ទៅលើបុគ្គលណាដែលអនុវត្ត ឬក៏ប្រព្រឹត្ត ខុសច្បាប់ នៅក្នុងព្រះរាជាណាចក្រកម្ពុជាមិនថាតែអ្នកសារព័ត៌មាន ឬបុគ្គលណាទេ ឲ្យ តែ ប្រព្រឹត្តខុសច្បាប់ គឺ ត្រូវ តែ ទទួលខុសត្រូវចំពោះមុខច្បាប់។ ដូច្នេះការ ចាត់ វិធានការផ្លូវច្បាប់ ទៅលើអ្នក សារព័ត៌មាន ដែល ប្រព្រឹត្តិខុសវាមិនមែនជាការរិតត្បិតសេរីភាពអ្នក សារព័ត៌មាន គំរាម កំហែង បំបិទសំឡេងរបស់អ្នក សារព័ត៌មានទេ។ គឺជាការពង្រឹងនៅក្នុងការ អនុវត្តនីតិរដ្ឋនៅក្នុងក្របខណ្ឌលទ្ធិ ប្រជា ធិបតេយ្យ។ ការ អនុវត្ត ច្បាប់ ទៅ លើអ្នក សារ ព័ត៍មាន ដែលប្រ ព្រឹត្ត ប្រាសចាកក្រមសីលធម៌ វិជ្ជាជីវៈក៏ដូចជា ប្រ ព្រឹត្ត ខុសច្បាប់ គឺជាការធានានិងលើកអំពីគុណតម្លៃ របស់វិជ្ជាជីវៈមួយនេះទៅវិញទេ មានន័យថា អ្នក សារ ព័ត៍មាន ដែល បាន ប្រព្រឹត្ត ខុសគាត់ត្រូវ តែ ទទួលខុសត្រូវចំពោះមុខច្បាប់។ ដូច្នេះដើម្បី ឲ្យ វិស័យសារព័ត៍មាន រក្សាបាន នូវគុណ តម្លៃ រក្សាបាននូវសេចក្តីថ្លៃថ្នូរ នៃវិជ្ជាជីវៈមួយនេះដូច្នេះការអនុវត្ត ច្បាប់ ទៅលើអ្នក សារ ព័ត៍មានដែល ប្រព្រឹត្ត ខុស ប្រាសចាកច្បាប់ ប្រាសចាកក្រមសីលធម៌ គឺ ជារឿងមួយដែលត្រូវ តែអនុវត្ត ដែល វាមិនមែន ជាការបំបិទសិទ្ធិ សេរីភាពរបស់អ្នក សារព័ត៍មាន បិទសិទ្ធិសេរីភាពរបស់អ្នកប្រកបវិជ្ជាជីវៈសារ ព័ត៍មាន នៅកម្ពុជាឡើយ”។

ឆ្លើយតបទៅនិងការលើកឡើងរបស់ក្រុមអង្គការសង្គមស៊ីវិលមួយចំនួនតូច ដែលបាន លើកឡើងអំពីការបំបិទសិទ្ធិសេរីភាពសារព័ត៍មាននោះ អ្នកនាំពាក្យក្រសួងព័ត៍មាន បាន អះអាងថា នេះគ្រាន់តែជាការទាក់ទាញនៅការចាប់អារម្មណ៍និង ដើម្បីផ្គាប់ ចិនបរទេសដែល ជាម្ចាស់ជំនួយរបស់ ខ្លួន ប៉ុណ្ណោះ ដើម្បីទទួល បាន ការគាំទ្រផ្នែក ហិរញ្ញវត្ថុក្នុងការ អនុវត្តការងារ របស់ ខ្លួនបន្ត ទៅ ទៀត។ ប៉ុន្តែក្រុមនេះមិនបាន រំលេចអំពីការរីកចំរើន ក៏ដូចជាវឌ្ឍនភាព ក៏ដូចជាស្ថានភាពពិតប្រាកដរបស់វិជ្ជាជីវៈ សារព័ត៍មាននៅកម្ពុជាឡើយ ដែលខិតខំតែបំប៉ោងបំភ្លៃនៅព័ត៍មាន ពិតអំពីកម្ពុជា ដើម្បីតែផល ប្រយោ ជន៍របស់ ខ្លួននិងក្រុម ខ្លួនតែ ប៉ុណ្ណោះ៕

ដោយៈ ពលជ័យ