ភូមិមួយនៅក្នុងស្រុកព្រៃនប់ នៃខេត្តព្រះសីហនុ មានអ្នកឆ្លងកូវីដ១៩ ចំនួន១៨៧នាក់។ យោងតាមរដ្ឋបាលខេត្ត អ្នកឆ្លងជម្ងឺកូវីដ១៩ទាំង១៨៧នាក់នោះ រស់នៅក្នុងភូមិចំណោតរាម, ឃុំបិតត្រាង នៃស្រុកព្រៃនប់។ អ្នកឆ្លងកូវីដ ក្នុងភូមិចំណោតរាមនោះ គឺជាអាជីវករ និងប្រជាពលរដ្ឋដែលស្នាក់នៅក្នុងភូមិនោះ។

រដ្ឋបាលខេត្តព្រះសីហនុ បានអំពាវនាវដល់អាជីវករ ប្រជាពលរដ្ឋដែលប្រាស្រ័យទាក់ទងដោយផ្ទាល់ជាមួយអ្នកវិជ្ជមានកូវីដ-១៩ ក្នុងភូមិចំណោតរាមនោះ ត្រូវប្រញាប់រួសរាន់ទៅផ្ដល់សំណាក ដើម្បីវិភាគរកមេរោគកូវីដ-១៩ និងធ្វើចត្តាឡីស័កនៅ លំនៅឋានរបស់ខ្លួនឲ្យបានត្រឹមត្រូវតាមវិធានសុខាភិបាល។

យោងតាមក្រសួងសុខាភិបាល ខេត្តព្រះសីហនុ មានអ្នកឆ្លងដែលកំពុងសម្រាកក្នុងមន្ទីរពេទ្យនាពេលនេះ ចំនួន១ពាន់២នាក់។