រដ្ឋបាលខេត្តបន្ទាយមានជ័យ បានបង្ហាញអត្តសញ្ញាណអ្នកឆ្លងកូវីដ១៩ សរុបចំនួន២៤៤នាក់ និងអំពាវនាវ ដល់អ្នកពាក់ព័ន្ធប្រញាប់ទៅធ្វើតេស្ត។ សេចក្តីជូនដំណឹងរបស់រដ្ឋបាលខេត្តបន្ទាយមានជ័យថ្ងៃទី៣០មេសា មនុស្សទាំង២៤៤នាក់ ដែលបានរកឃើញកូវីដ១៩នោះ គឺចាប់ពីថ្ងៃទី២៥ដល់ ២៨ ខែមេសាឆ្នាំ២០២១។

រដ្ឋបាលខេត្ត បានអំពាវនាវដល់អ្នកដែលប្រាស្រ័យទាក់ទងដោយផ្ទាល់ និងដោយប្រយោលជាមួយ អ្នកវិជ្ជ មានកូវីដ-១៩ ទាំង២៤៤នាក់ ត្រូវប្រញាប់ផ្តល់វត្ថុ សំណាក ដើម្បីវិភាគរកវីរុសកូវីដ-១៩ និងត្រូវធ្វើចត្តាឡីស័ក នៅលំនៅឋានរបស់ខ្លួន ឲ្យបានត្រឹមត្រូវ តាមវិធានសុខាភិបាល។

ខេត្តបន្ទាយមានជ័យវេលាចុងក្រោយនេះ មានអ្នកឆ្លង៦៧ករណី ដែលនាំចំនួនអ្នកឆ្លងសារុបកំពុងព្យាបាលក្នុងមន្ទីរពេទ្យមានចំនួន៣១៨នាក់។