គ.ជ.ប ជូនដំណឹងពីការដាក់ និងការទទួលពាក្យសុំចុះឈ្មោះភ្នាក់ងារគណបក្សនយោបាយ អ្នកសង្កេតការណ៍ ដើម្បីជ្រើសរើសក្រុមប្រឹក្សាក្រុងបូកគោ ឆ្នាំ២០២១
រាជធានីភ្នំពេញ៖គណៈកម្មាធិការជាតិរៀបចំការបោះឆ្នោត (គ.ជ.ប)បានចេញសេចក្ដីជូនដំណឹង ស្ដីពីការដាក់ និងការទទួលពាក្យសុំចុះឈ្មោះភ្នាក់ងារគណបក្សនយោបាយ អ្នកសង្កេតការណ៍ជាតិ និងអន្តរជាតិ សម្រាប់ការបោះឆ្នោតលើកទី១ ដើម្បីជ្រើសរើសក្រុមប្រឹក្សាក្រុងបូកគោ នៃខេត្តកំពត ឆ្នាំ២០២១។
យោងតាមសេចក្តីជូនដំណឹងរបស់គណៈកម្មាធិការជាតិរៀបចំការបោះឆ្នោតបានបញ្ជាក់ឱ្យដឹងថា ការដាក់ និងការទទួលពាក្យសុំចុះឈ្មោះភ្នាក់ងារគណបក្សនយោបាយចាប់ផ្ដើមពីថ្ងៃទី៤ ខែមិថុនា ឆ្នាំ២០២១ បញ្ចប់ថ្ងៃទី៣០ ខែមិថុនា ឆ្នាំ២០២១។សម្រាប់គណបក្សនយោបាយទាំងអស់ ដែលបានចុះបញ្ជីត្រឹមត្រូវតាមច្បាប់ស្តីពីគណបក្ស នយោបាយមានសិទ្ធិចាត់តាំងភ្នាក់ងាររបស់ខ្លួន ២(ពីរ )រូប ភ្នាក់ងារពេញសិទ្ធិ ១(មួយ) រូប និងភ្នាក់ងារបម្រុង ១(មួយ) រូប ដើម្បីសង្កេតមើលការ ការិយាល័យចុះឈ្មោះបោះឆ្នោតក្នុងសង្កាត់។
ចុះឈ្មោះបោះឆ្នោតនៅតាមពាក្យសុំចុះឈ្មោះភ្នាក់ងារគណបក្សនយោបាយត្រូវចុះហត្ថលេខាដោយប្រធាន ឬតំណាង គណបក្សនយោបាយ ដែលទទួលការផ្ទេរសិទ្ធិដាំលាយលក្ខណ៍អក្សរពីប្រធានគណបក្ស នយោបាយ ការផ្ទេរសិទ្ធិនេះ មិនអនុញ្ញាតឱ្យផ្ទេរសិទ្ធិបន្តឡើយ លើកលែងតែក្នុង លិខិតផ្ទេរសិទ្ធិនោះ មានខ្លឹមសារអនុញ្ញាតឱ្យផ្ទេរសិទ្ធិបន្ត។ ដោយ៖ម៉ាដេប៉ូ
(សូមអានខ្លឹមសារទាំងស្រុងខាងក្រោម)