រោងចក្រដែលស្ថិតក្នុងតំបន់មិនមានការប្រឈមហានិភ័យខ្ពស់ ត្រូវគេរាយការណ៍ថា បានចាប់ដំណើរការសារឡើងវិញហើយ នៅថ្ងៃទី៦ឧសភានេះ។ មន្ត្រីជាន់ខ្ពស់ក្រសួងការងារ នៅជាមួយគ្នានេះបានស្នើសុំយកថ្ងៃដំបូង នេះពិនិត្យការរៀបចំវេនកាត់បន្ថយចំនួនមនុស្សនិងការរៀបចំពិនិត្យប្រព័ន្ធសង្វាក់ផលិតកម្មនិងអនាម័យ ដើម្បីបង្កលក្ខណៈល្អ សម្រាប់កម្មករចូលធ្វើការ។ 

រដ្ឋលេខាធិការក្រសួងការងារ លោក ហេង សួរ បានថ្លែងដាស់តឿន ថាសូមកុំធ្វើឱ្យការផ្តើមសកម្មភាពអាជីវកម្មឡើងវិញនេះ ទៅជាឱកាសធ្វើឱ្យមានការឆ្លងរាលដាលជំងឺកូវីដ-១៩ នៅក្នុងរោងចក្ររបស់ខ្លួន ហើយដែលនឹងនាំឱ្យមានការ បិទរោងចក្រនោះសាឡើងវិញឲ្យសោះ។