មេខ្យល់នាំមនុស្សឆ្លងដែនខុសច្បាប់ចំនួន៣នាក់ និងពលករចំនួន១៤នាក់ត្រូវសមត្ថកិច្ចបានឃាត់ខ្លួនក្នុងខេត្តបាត់ដំបង។ ប្រភពពីស្នងការដ្ឋាននគរបាលខេត្តបាត់ដំបងបានឲ្យដឹងថា ការឃាត់ខ្លួនបានធ្វើឡើង ក្នុងចំណុច ភូមិសាស្រ្តស្រុកកំរៀង ក្នុងពេលដែលមេខ្យល់ទាំង៣នាក់ បំរុងនាំពលករខ្មែរទាំងនោះចាកចេញឆ្លងដែនដោយខុសច្បាប់។ មេខ្យល់ទាំង៣នាក់នោះ ត្រូវបានបញ្ជួនដើម្បីការដាក់ទោសតាមច្បាប់,ចំណែកពលករទាំង១៤នាក់ ត្រូវបានបញ្ជូនទៅធ្វើចត្តាឡីស័ក។