ប្រជាពលរដ្ឋណាដែលធ្លាប់ទៅហាង The Pizza Company សាខា ស្ទឹងមានជ័យ ត្រូវប្រញាប់ធ្វើចត្តាឡីស័ក និង តាមដានសុខភាព។ ហាងThe Pizza Company សាខា ស្ទឹងមានជ័យ គឺជាហាងស្ថិតនៅលើផ្លូវ២១៧ សង្កាត់ ស្ទឹងមានជ័យ ខណ្ឌមានជ័យ។

អនុគណៈកម្មការស្រាវជ្រាវជំងឺកូវីដ១៩ នៅថ្ងៃទី១១ឧសភាឆ្នាំ២០២១ បានជូន ដំណឹងថា មានអ្នកជំងឺកូវីដ-១៩ ដែលជាបុគ្គលិកធ្វើការនៅហាង The Pizza Company សាខាស្ទឹងមានជ័យ ធ្វើ កិច្ចការនៅទីនោះ ចាប់ពីថ្ងៃទី៣ដល់ថ្ងៃទី៧ឧសភាឆ្នាំ២០២១។

អនុគណៈកម្មការស្រាវជ្រាវជំងឺកូវីដ-១៩ បាន អំពាវនាវដល់ប្រជាពលរដ្ឋដែលធ្លាប់ទៅហាង Pizza នោះ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលបានប៉ះពាល់ ឬបានទៅទីកន្លែងមានហានិភ័យ នោះ។