ស្វីស៖ អង្គការសុខភាពពិភពលោក (WHO) បានអោយដឹងថា វីរុស COVID-19 បំប្លែងខ្លួនថ្មី B.1.617 នៅក្នុងប្រទេសឥណ្ឌា ត្រូវបានរកឃើញនៅក្នុងសំណាកច្រើនជាង៤ពាន់៥រយសំណាកនៅក្នុងប្រទេសចំនួន៤៤ មកពីគ្រប់តំបន់ទាំងអស់របស់អង្គការសុខភាពពិភពលោក (WHO) នៅជុំវិញផែនដី ។
បើតាមក្រុមអ្នកជំនាញនោះ វីរុសបំប្លែងខ្លួនថ្មីនៅឥណ្ឌាខាងលើ គឺជាមូលហេតុមួយនៅពីក្រោយការផ្ទុះឡើងនូវករណីឆ្លងយ៉ាងគំហុកនៅក្នុងប្រទេសមួយនេះ ហើយមានភាពកាចសាហាវ និងចម្លងយ៉ាងលឿនរហ័សជាងវីរុសដើមរបស់វា ។
ដោយឡែកវីរុស COVID-19 បំប្លែងខ្លួនថ្មី មានប្រភពដើមនៅអង់គ្លេស ប្រេស៊ីល និងអាហ្វ្រិកខាងត្បូង ក៏ត្រូវបានគេអះអាងថា មានភាពកាចសាហាវ និងចម្លងលឿនរហ័សផងដែរ ៕ ប្រភព៖ AFP