កូវីដ៖ ១ថ្ងៃ! ថៃឆ្លងជិត៥ពាន់នាក់ ស្លាប់៣២នាក់
អត្ថបទដោយ៖
លន់ សារ៉ាត
ថៃបានប្រកាសពីការស្លាប់អ្នកជំងឺកូវីដ១៩ប្រចាំថ្ងៃ ជាង៣០នាក់ទៀត នាព្រឹកថ្ងៃទី១៣ ឧសភា ២០២១នេះ ជាការស្លាប់ប្រចាំថ្ងៃជាង៣០នាក់ បីថ្ងៃគ្នាជាប់ៗគ្នាមកហើយ។
ជាក់ស្តែង កាលពីថ្ងៃទី១២ ឧសភាម្សិលមិញ ថៃប្រកាសពីការស្លាប់៣៤នាក់ ហើយនៅថ្ងៃទី១៣ ឧសភា ប្រកាសថា ស្លាប់៣២នាក់ ធ្វើឲ្យចំនួនមនុស្សស្លាប់ដោយសារជំងឺកូវីដ១៩ នៅប្រទែសថៃបានកើនដល់៥១៨នាក់ហើយ។
ក្រសួងសុខាភិបាលថៃក៏បានប្រកាសពីការឆ្លងថ្មីចំនួន៤៨៨៧នាក់ទៀត ផងដែរ នាព្រឹកមិញនេះ ធ្វើឲ្យចំនួនឆ្លងសរុបកើនដល់៩៣៧៩៤នាក់ហើយ។ ជាការកត់សម្គាល់ ក្នុងរលកទី៣ ដោយចាប់ផ្តើមតាំងពីដើមខែមេសាមក អ្នកឆ្លងមានចំនួន៦៤៨៩១នាក់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ