តំបន់លឿងមានអ្នកឆ្លងជំងឺកូវីដ-១៩ ច្រើនជាងគេ នៅរាជធានីភ្នំពេញ ក្នុងរយៈពេល ៧ថ្ងៃចុងក្រោយ
យោងតាម អនុគណៈកម្មការស្រាវជ្រាវជំងឺកូវីដ-១៩ បានឲ្យដឹងថា ចាប់ពីថ្ងៃទី៦ ដល់ថ្ងៃទី១២ ខែឧសភា ឆ្នាំ២០២១ អ្នកឆ្លងមេរោគកូវីដ-១៩ថ្មី នៅរាជធានីភ្នំពេញគឺជាប្រជាពលរដ្ឋដែលរស់នៅក្នុងតំបន់លឿងមាន៥០.០៧%, តំបន់ក្រហមមាន៣២.១៩%, តំបន់លឿងទុំមាន១៤.៣៤% និងតំបន់ផ្សេងទៀត៣.៤%។ អនុគណៈកម្មការស្រាវជ្រាវជំងឺកូវីដ-១៩ អំពាវនាវឲ្យប្រជាពលរដ្ឋត្រូវ បន្តចូលរួមពាក់ម់ាស់ រក្សាគម្លាត និងឧស្សាហ៍លាងដៃ គ្រប់ពេលវេលា គ្រប់ទីកន្លែង។
សូមជម្រាបថា រាជធានីភ្នំពេញមានសរុបចំនួន១៤ខណ្ឌ ប៉ុន្តែនាពេលកន្លងមក តំបន់ក្រហមរដ្ឋបាលរាជធានីភ្នំពេញកំណត់យកតែក្នុងភូមិ សង្កាត់មួយចំនួនក្នុងខណ្ឌចំនួន៥ប៉ុណ្ណោះគឺ ខណ្ឌដង្កោ ខណ្ឌមានជ័យ ខណ្ឌពោធិ៍សែនជ័យ ខណ្ឌទួលគោក និងខណ្ឌឬស្សីកែវ។
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕
