ហ្វីលីពីនទទួល Sinovac ៥០ម៉ឺនដូសបន្ថែមទៀត ពីប្រទេសចិន
ប្រទេសហ្វីលីពីនទទួលបានវ៉ាក់សាំង Sinovac ចំនួនកន្លះលានដូសបន្ថែមទៀត ដែលបានទិញពីប្រទេសចិន កាលពីថ្ងៃទី២០ ឧសភា ២០២១ ខណៈប្រទេសនេះកំពុងបង្កើនកិច្ចប្រឹងប្រែងចាក់វ៉ាក់សាំង ក្នុងពេលមានការកើនឡើងការឆ្លងជំងឺកូវិត-១៩ នៅតែបន្ត។
សរុបទាំង៥០ម៉ឺនដូសនេះទៀត ចិនបញ្ជូនវ៉ាក់សាំង៥លាន៥សែនដូសហើយទៅហ្វីលីពីន តែក្នុងនេះ ក៏មានជំនួយ១លានដូសដែរ។ ប្រទេសហ្វីលីពីនមានបំណងចាក់វ៉ាក់សាំងដល់ប្រជាជនយ៉ាងតចិច ៧០លាននាក់ នៅឆ្នាំនេះដើម្បីទទួលបានភាពស៊ាំ។
ប្រទេសហ្វីលីពីនមានករណីឆ្លងជំងឺកូវិត-19 សរុបចំនួន 1,159,071ករណី និងមានអ្នកស្លាប់ 19,507នាក់ គិតត្រឹមម្សិលមិញ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
