ខេត្តស្វាយរៀងបានរកឃើញអ្នកមានវិជ្ជមានកូវីដ-១៩ថ្មីចំនួន៣៣នាក់ ក្នុងរយៈពេល២៤ម៉ោងចុងក្រោយ។ យោងតាម រដ្ឋបាលខេត្តអ្នកឆ្លងថ្មីទាំង៣៣នាក់នោះ រួមមាន២០នាក់នៅរោងចក្រយូលី ហ្គាមិន ក្នុងងតំបន់សេដ្ឋ កិច្ចពិសេសសានតុង, ២នាក់នៅក្រុងបាវិត, ៣នាក់នៅស្រុកស្វាយជ្រុំ, ២នាក់នៅក្នុងស្រុករំដួល, ៣នាក់នៅក្នុង ស្រុកកំពង់រោទិ៍ និងម្នាក់នៅស្រុករមាសហែក។

រដ្ឋបាលខេត្តស្វាយរៀងបានឲ្យដឹងទៀតថា គេបានស្រាវជ្រាវ រកឃើញអ្នកពាក់ពន្ធ័ជាង៤០០នាក់ថែមទៀត ដែលបានប៉ះពាល់ជាមួយអ្នកវិជ្ជមានកូវីដទាំង៣៣នាក់នោះ។  នៅក្នុងខេត្តស្វាយរៀង គិតមកដល់ថ្ងៃទី២៦ឧសភាឆ្នាំ២០២១ អ្នកមានវិជ្ជមានកូវីដ១៩សារុបចំនួន៥៨៣នាក់, ព្យាបាលជាសះស្បើយចំនួន៣៦៩នាក់, កំពុងសម្រាកព្យាបាលចំនួន២០៨នាក់ និងស្វាយរៀង ក៏ធ្លាប់ មានអ្នក ស្លាប់ដោយសារកូវីដ១៩ចំនួន៥នាក់ផងដែរ។