គណៈបញ្ជាការឯកភាពខណ្ឌមានជ័យ ដឹកនាំដោយ លោក ឌី រ័ត្នខេមរុណ អភិបាលរងខណ្ឌនៅព្រឹកថ្ងៃទី២៨ឧសភាឆ្នាំ២០២១ បានចុះបិទទីតាំងឃ្លាំងស្តុកទំនិញគឺទីតាំងស្តុកភេសជ្ជៈខារ៉ាបាវ ដែលមានម្ចាស់ឈ្មោះ ស ពុទ្ធា។ ឃ្លាំងនោះមានកម្មករសរុប ៥៣ នាក់ ដែលមានទីតាំង ស្ថិតនៅឃ្លាំងលេខ ៤៧០ ក្រុមទី៣ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។ លោក ឌី រ័ត្នខេមរុណ អភិបាលរង ខណ្ឌមានជ័យ បានបញ្ជាក់ថាទីតាំងនោះ ត្រូវបានរកឃើញ អ្នកវិជ្ជមានមេរោគកូវីដ-១៩ សរុបចំនួន៥៣នាក់ ជាកម្មករ ធ្វើការក្នុងឃ្លាំងស្តុកទំនិញភេសជ្ជះ ខារ៉ាបាវ។

លោកបានបន្តថា អ្នកឆ្លងទាំងនោះ គឺបានពាក់ព័ន្ធជាមួយ ឈ្មោះ ជាម ដា ភេទស្រី អាយុ ៤៨ឆ្នាំ ជាជនអនាថា ដែលបានស្លាប់ដោយសារ កូវីដ-១៩ កាលពីថ្ងៃទី២៥ឧសភា ឆ្នាំ២០២១ ដែលមានទីតាំង ស្ថិតនៅទីតាំងជិតឃ្លាំងនោះផ្ទាល់។

លោក ឌី រ័ត្នខេមរុណ បានដឹកនាំធ្វើការហុំព័ទ្ធទីតាំងឃ្លាំងខាងលើនោះភ្លាម ហាមមិនអោយ ប្រជាពលរដ្ឋដែរនៅក្បែរនោះ និងអ្នកឆ្លងកាត់មានការប៉ះពាល់បានឡើយ។ ចំពោះអ្នកដែរបានធ្វើតេស្ដរួច លទ្ធផលអវិជ្ជមានគឺតំរូវអោយធ្វើចត្តាឡីស័ក រយៈពេល១៤ថ្ងៃតាមវិធានការសុខាភិបាល ដើម្បីទប់ស្កាត់ការឆ្លងរីករាលដាលនៃជំងឺ កូវីដ-១៩ បន្តទៀតក្នុងមូលដ្ឋានសង្កាត់ផងដែរ។