រាជធានីភ្នំពេញ៖ សែលកាត ដែលជាក្រុមហ៊ុនទូរស័ព្ទចល័តដ៏ធំនៅ ក្រកម្ពុជា បានរៀបចំនូវព្រឹត្តការណ៏ប្រគល់រង្វាន់ធំ គឺរថយន្ត MG ZS សេរ៊ីឆ្នាំ ២០២១ ថ្មីស្រឡាង​ ១ គ្រឿង ព្រមទាំងធ្វើការប្រគល់រង្វាន់ម៉ូតូ  Yamaha X Ride ចំនួន ៦ គ្រឿង ជូនដល់អតិថិជនដែលមានសំណាងឈ្នះ ពីកម្មវិធីភ្ជាប់គម្រោងដើម្បីឈ្នះ! នៅការិយាល័យកណ្តាលរបស់ក្រុមហ៊ុន សែលកាត ។

បើតាមការក្រុមហ៊ុនសែលកាតបានឱ្យដឹងនៅថ្ងៃទី០៧ ខែមិថុនានេះថាសម្រាប់អតិថិជនដែលបានឈ្នះក្នុងគម្រោងនេះ ហើយបានឈ្នះរង្វាន់ម៉ូតូ Yamaha X-ride ចំនួន ៦ គ្រឿងមានដូចខាងក្រោម៖

អតិថិជនទី១ មានឈ្មោះថា ទៀន តូនី មានអាស័យដ្ឋាននៅ ភូមិតាំងក្រសាំង ឃុំតាំងក្រសាំង ស្រុកសន្ទុក ខេត្តកំពង់ធំ។អតិថិជនទី២ មានឈ្មោះ ម៉េត គឹមអាន មានអាស័យដ្ឋាននៅ ភូមិទួលងោក ឃុំកំពង់ហ្លួង ស្រុកពញឮ ខេត្តកណ្តាល។អតិថិជនទី៣ មានឈ្មោះ ជា​ ម៉េងហុង មានអាស័យដ្ឋាននៅ ភូមិត្រពាំងត្រាវ ឃុំពត់សរ ស្រុកបាទី​ ខេត្តតាកែវ។អតិថិជនទី៤ មានឈ្មោះ ឌួង ចាន់ថន មានអាស័យដ្ឋាននៅ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។អតិថិជនទី៥ មានឈ្មោះ រឿន សារ៉ាត់ មានអាស័យដ្ឋាននៅ ឃុំកំពង់ភ្លុក ស្រុកប្រាសាទបាគង ខេត្តសៀមរាប។អតិថិជនទី៦ មានឈ្មោះ តូច សិទ្ធិ មានអាស័យដ្ឋាននៅ ឃុំវល្លិសរ ស្រុកសំរោងទង ខេត្តកំពង់ស្ពឺ ដែលបានឈ្នះពីគម្រោង Playgame Unlimited។

និងអតិថិជន មហាសំណាងដែលបានឈ្នះរង្វាន់ធំ រថយន្ត MG ZS  សេរ៊ីឆ្នាំ ២០២១ ចំនួនមួយ គ្រឿងពីកម្មវិធី ភ្ជាប់គម្រោងដើម្បីឈ្នះ គឺជាអ្នកមកពីខេត្តពោធិ៍សាត់ មានឈ្មោះថា ហឿង ចាន់ណាក់ មានអាស័យដ្ឋាននៅ ឃុំកំពង់លួង ស្រុកក្រគរ។

ព្រឹត្តការណ៏ប្រគល់រង្វាន់ធំ ដែលមាន រថយន្ត MG ZS សេរ៊ីឆ្នាំ២០២១  និងម៉ូតូ  Yamaha X Ride ចំនួន ៦ គ្រឿង ពីកម្មវិធីភ្ជាប់គម្រោងដើម្បីឈ្នះ បានធ្វើការផ្សាយផ្ទាល់នៅលើ បណ្តាញ Facebook Page របស់ Cellcard និង Facebook Page របស់ CTN TV  ផងដែរ ។

គួរបញ្ជាក់ថាកម្មវិធីភ្ជាប់គម្រោងដើម្បីឈ្នះ អតិថិជនសែលកាតទាំងអស់គ្រាន់តែភ្ជាប់គម្រោងណាមួយដូចជា BIG BIG LOVE, Cellcard 4U, ដូរលុយអស្ចារ្យ, BIG LOVE, iNet, Playgame Unlimited ឬ ស៊ីមនាគរីករាយ ដើម្បីមានឱកាសឈ្នះរង្វាន់ជាច្រើនសន្ធឹកសន្ធាប់នេះហើយ៕