ថៃទទួលស៊ីណូវ៉ាក់បាន៧.៥លានដូសហើយ រួមទាំង១លានដូសទៀត ថ្ងៃនេះ
នៅថ្ងៃព្រហស្បតិ៍ ទី១០ មិថុនា ២០២១នេះ វ៉ាក់សាំងបង្ការជំងឺកូវីដ១៩ ប្រភេទ ស៊ីណូវ៉ាក់ ចំនួន១លានដូសទៀត ត្រូវបានបញ្ជូនពីប្រទេសចិនទៅដល់ប្រទេសថៃ ធ្វើឲ្យចំនួនវ៉ាក់សាំងដែលថៃទទួលពីចិនកើនដល់៧លាន៥សែនដូសហើយ នេះបើតាមការចេញផ្សាយរបស់ទីភ្នាក់ងារសារព័ត៌មាន The Nation។
ប្រភពថា ក្រុមហ៊ុនផលិតវ៉ាក់សាំង ស៊ីណូវ៉ាក់ បានបញ្ជូនវ៉ាក់សាំងច្រើនជាង៦០០លានដូសទៅកាន់បណ្តាប្រទេសច្រើនជាង៤០ប្រទេសហើយ។
ប្រភពបន្ថែមទៀតថា វ៉ាក់សាំងចិន ដែលត្រូវបានអង្គការសុខភាពពិភពលោកទទួលស្គាល់មួយនេះត្រូវបានចាក់ជូនមនុស្ស នៅប្រទេសក្រៅ ទូទាំងពិភពលោក ចំនួនជាង៤៣០លានដូសហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ