រដ្ឋមន្ត្រីការពារជាតិអាស៊ានជាប់រវល់កិច្ចប្រជុំរយៈពេល២ថ្ងៃ (Video Inside)
រដ្ឋមន្ត្រីការពារជាតិអាស៊ានទាំង១០ រវាងពីថ្ងៃទី១៥និង១៦មិថុនានេះ នឹងជាប់រវល់ជាបន្តបន្ទាប់ក្នុងកម្មវិធីប្រជុំ ថ្នាក់រដ្ឋមន្ត្រីការពារជាតិអាស៊ានលើកទី១៥, កិច្ចប្រជុំរដ្ឋមន្ត្រីការពារជាតិអាស៊ាន-បូក លើកទី ៨ និងកិច្ចប្រជុំ ក្រៅផ្លូវការរដ្ឋមន្ត្រីការពារជាតិអាស៊ាន-ចិន។
កិច្ចប្រជុំរដ្ឋមន្ត្រីការពារជាតិអាស៊ានលើកទី១៥ គឺជាកិច្ចប្រជុំចូល រួមដោយរដ្ឋមន្ត្រីការពារជាតិអាស៊ានទាំង១០ដែលជារដ្ឋសមាជិកក្នុងគោលបំណងលើកកម្ពស់ការទុកចិត្តរវាង គ្នាទៅវិញទៅមករវាងប្រទេសអាស៊ានទាំង១០ ដោយឆ្នាំនេះប្រទេសប្រុយណេគឺជាម្ចាស់ផ្ទះ, ចំណែកកិច្ចប្រជុំ រដ្ឋមន្ត្រីការពារជាតិអាស៊ាន-បូក គឺជាវេទិកា របស់អាស៊ានជាមួយនឹងប្រទេសដៃគូសន្ទនា៨ប្រទេសរួមមាន អូស្ត្រាលី, ចិន, ឥណ្ឌា, ជប៉ុន, នូវ៉ែលហ្សេឡង់, កូរេខាងត្បូង, រុស្ស៊ីនិងសហរដ្ឋអាមេរិក។
សម្តេចពិជ័យសេនា ទៀបាញ់ ឧបនាយករដ្ឋមន្ត្រីនិងជារដ្ឋមន្ត្រីក្រសួងការពារជាតិ បានអញ្ជើញចូលរួមក្នុងកិច្ចប្រជុំបស់អាស៊ាន ទាំងឡាយនោះ តាមប្រព័ន្ធវីដេអូ។