កម្ពុជានិងពិភពលោក បានត្រៀមចូលរួមទិវាកីឡាអូឡាំពិកអន្តរជាតិដែលនឹងឈានមកដល់នៅថ្ងៃទី២៣មិថុនា ខាងមុខនេះ។ ទិវាកីឡាអូឡាំពិកអន្តរជាតិ Olympic Day គឺជាទិវាមួយដែលពិភពលោកតែងរៀបចំជារៀងរាល់ ឆ្នាំនៅថ្ងៃទី២៣មិថុនា។ក្នុងទិវាអបអរនោះ មនុស្សរាប់សិបម៉ឺននាក់ក្នុងពិភពលោក ទាំងចាស់និងក្មេង តែងចូល រួមក្នុងសកម្មភាពកីឡានានាដូចជាការរត់ប្រណាំង, ការតាំងពិព័រណ៍កីឡា, ការរៀបចំសិក្ខាសាលាអប់រំផងដែរ។ ប៉ុន្តែក្នុងឆ្នាំ២០២១នេះ ការគំរាមកំហែងដោយសារជម្ងឺកូវីដ១៩ បានរារាំងនូវសកម្មភាពខ្លះដែលគេមិនអាចជួបប្រ ជុំគ្នាដូចពេលមុននោះទៀតឡើយ។ គណៈកម្មាធិការជាតិអូឡាំពិកកម្ពុជា (NOCC) បានថ្លែងថាគេត្រៀមរៀបចំ «ទិវាអូឡាំ ពិក» ថ្ងៃទី២៣ ខែមិថុនា តាមប្រព័ន្ធអនឡាញ។