រដ្ឋបាលខេត្តដំបង បានឲ្យដឹងថា នៅថ្ងៃទី២២មិថុនា ខេត្តបានរកឃើញមនុស្សករណីវិជ្ជមានកូវីដ-១៩ចំនួន ១៥នាក់បន្ថែមទៀត។ អ្នកឆ្លងថ្មីនោះ មាន ១២នាក់ជាករណីឆ្លងក្នុងសហគន៍ និង៣នាក់ជាអ្នកមកពីប្រទេសថៃ។ ក្រោយការរកឃើញវិជ្ជមាន ពួកគេត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកនានាក្នុងខេត្តបាត់ដំបង។

ខេត្តបាត់ដំបងនៅថ្ងៃទី២២មិថុនាក៏មានអ្នកជាសះស្បើយពីជំងឺកូវីដ-១៩ ចំនួន ២៦នាក់ ផងដែរ។ គិតមកដល់ថ្ងៃទី២២ មិថុនាឆ្នាំ២០២១ មានអ្នកឆ្លងជំងឺកូវីដ-១៩ សរុបចំនួន ៦៨៣នាក់ ក្នុងនោះបានព្យាបាលជាសះស្បើយចំនួន ៣៩២នាក់ មានអ្នកស្លាប់ ៦នាក់ និងកំពុងសម្រាកព្យាបាលនៅតាមមន្ទីរពេទ្យនានាចំនួន ២៨៥នាក់៕