ខេត្តកំពង់ធំ មានអ្នកឆ្លងថ្មី២៦នាក់ (Video Inside)
ខេត្តកំពង់ធំបានរកឃើញអ្នកឆ្លងកូវីដ១៩ចំនួន ២៦នាក់ នៅថ្ងៃនេះ ក្នុងរយៈពេល ២៤ម៉ោង ចុងក្រោយនេះដែល ជាតួលេខឆ្លងថយចុះចំនួន១៤នាក់ បើធៀបនឹងម្សិលម៉ិញ។
យោងតាមរដ្ឋបាលខេត្ត អ្នកឆ្លងថ្មីទាំង ២៦នាក់ នៅ ថ្ងៃនេះ គឺជាករណីឆ្លងក្នុងសហគមន៍ចំនួន២០នាក់ និងការឆ្លងលើពលករដែលទើបត្រឡប់មកពីប្រទេសថៃចំនួន ៦នាក់ ។ អ្នកឆ្លងថ្មីទាំង ២៦នាក់នោះ គឺជាពលរដ្ឋនៅក្នុងស្រុកបារាយណ៍, នៅស្រុកសន្ទុក, ស្រុកកំពង់ស្វាយ និងស្រុកតាំងគោក ។
ខេត្តកំពង់ធំ គិតត្រឹមថ្ងៃនេះមានអ្នកឆ្លងកូវីដ១៩សរុបចំនួន ៨២២នាក់ ក្នុងចំណោមនោះ មានអ្នកជាសះស្បើយចំនួន ៣៦៧នាក់ និងមានអ្នកស្លាប់ចំនួន ៧នាក់៕