រ៉ូណាល់ដូ នៅតែមានភាគរយច្រើន បានស្បែកជើងមាស Euro 2020
កីឡាករព័រទុយហ្គាល់ Cristiano Ronaldo នៅតែមានសង្ឃឹមច្រើន ក្នុងការទទួលបានស្បែកជើងមាស សម្រាប់ការប្រកួតបាល់ទាត់អឺរ៉ុប Euro 2020 Golden Boot នេះបើតាមការចេញផ្សាយ Marca នាថ្ងៃទី៥ កក្កដា ២០២១។
ពានបាល់ទាត់អឺរ៉ុប ដែលធ្លាប់បានពន្យាពេល១ឆ្នាំនេះ ជិតរកឃើញម្ចាស់ពានរង្វាន់ហើយ ដោយនៅសល់តែ៤ក្រុមចុងក្រោយ និង៤ប្រកួតចុងក្រោយប៉ុណ្ណោះ (អង់គ្លេស អ៊ីតាលី អេស្ប៉ាញ និងដាណឺម៉ាក)។
បើទោះបីជាកីឡាករប្រធានក្រុមជម្រើសជាតិព័រទុយហ្គាល់ ពាក់អាវលេខ៧ រូបនេះនឹងមិនមានវត្តមានលេងបន្តទៀត ត្បិតក្រុមខ្លួនធ្លាក់ហើយក្តី ក៏រូបគេក៏ប្រហែលជានឹងឈ្នះបានស្បែកជើងមាស ដដែល។ កាលព័រទុយហ្គាល់ប៉ះ ហុងគ្រី កន្លងទៅ រ៉ូណាល់ដូ រកបាន២គ្រាប់ ពេលប៉ះបារាំង រកបាន២គ្រាប់ទៀត និងប៉ះអាល្លឺម៉ង់រកបាន១គ្រាប់ ដូច្នេះ រ៉ូណាល់ដូ រកបាន៥គ្រាប់ ហើយមិនទាន់មាននរណារកបានលើសទេ ប៉ុន្មានប្រកួតដូចគ្នានេះ។ យ៉ាងណាក៏ដោយ កីឡាករអាល្លឺម៉ង់ Patrik Schick រកបាន៥គ្រាប់ដែរ តែ រ៉ូណាល់ដូ នៅតែនាំមុខភាគរយ ព្រោះកីឡាកររូបនេះមាន១គ្រាប់ ទទួលជំនួយ មិនដូច រ៉ូណាល់ដូ សុទ្ធល្អទាំង៥គ្រាប់៕
