កម្ពុជាទទួលបានចំណូលជិត៦ពាន់លានដុល្លារ ក្នុងការនាំចេញទំនិញរយៈពេល៥ខែ (Video Inside)
កម្ពុជាទទួលបានចំណូលជិត៦ពាន់លានដុល្លារ ពីការនាំចេញទំនិញក្នុងរយៈពេល៥ខែ ឆ្នាំ២០២១នេះ។ យោងតាមរបាយការណ៍របស់ក្រសួងសេដ្ឋកិច្ចនិងហិរញ្ញវត្ថុ ការនាំចេញទំនិញក្នុងទំហំទឹកប្រាក់ចំនួន ៥ពាន់ ៩៨២លានដុល្លារ ស្មើនឹង២០.៨% នៃទំហំ GDPរបស់ប្រទេស គឺជាការនាំចេញកើនឡើង ១.៦% ប្រៀបធៀបនឹង រយៈពេលដូចគ្នាឆ្នាំមុន ដោយសារកំណើននៃការនាំចេញកង់និងទំនិញផ្សេងៗ។
សេចក្តីរាយការណ៍បន្តថា ទន្ទឹមនេះការនាំចូលទំនិញ សម្រេចបានក្នុងទំហំទឹកប្រាក់ចំនួន ៨ពា់ ៦៦៤ លានដុល្លារ ដែលកើនឡើង ១៧% ធៀបនឹងរយៈពេលដូចគ្នាឆ្នាំមុន ដោយសារកំណើននៃការនាំចូលក្រណាត់, គ្រឿងសំណង់, ប្រេងឥន្ធនៈ និង ទំនិញផ្សេងៗ។
របាយការណ៍ដដែលកត់សម្គាល់ថា សេដ្ឋកិច្ចកម្ពុជានៅតែទទួលរងផលប៉ះពាល់ ពីវិបត្តិជំងឺកូវីដ១៩ ជាពិសេស ព្រឹត្តិការណ៍សហគមន៍ ២០ កុម្ភៈ ដែលបានអូសបន្លាយរហូតមកដល់បច្ចុប្បន្ននិងបានដាក់សម្ពាធមកលើសូចនា ករសំខាន់ៗ នៃវិស័យជំរុញកំណើនសេដ្ឋកិច្ច។ របាយការណ៍ដដែលបានបូកសារុបថា ជារួមសេដ្ឋកិច្ចកម្ពុជារំពឹង ថា នឹងមានកំណើនវិជ្ជមានក្នុងឆ្នាំ២០២១ ដោយសារការងើបឡើងវិញ នៃស្ថានភាពសេដ្ឋកិច្ចសកល និងសេដ្ឋ កិច្ចដៃគូពាណិជ្ជកម្មរបស់កម្ពុជា, កំណើនតម្រូវការផលិតផលកសិកម្ម និងលទ្ធភាពនៃការបង្វែរការបញ្ជារទិញ និងរោងចក្រកាត់ដេរពីប្រទេសមីយ៉ាន់ម៉ា មកកាន់ប្រទេសកម្ពុជា៕