ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន៥០នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ៣៩នាក់បើប្រៀបធៀបនឹងការឆ្លងម្សិលមិញ។

យោងតាមរដ្ឋបាលខេត្ត ការ ឆ្លងថ្មី ទាំង៥០នាក់ថ្ងៃនេះ រួមមាននៅក្រុងកំពង់ចាម៩នាក់,ស្រុកបាធាយ៧នាក់,ស្រុកជើងព្រៃ១០នាក់, ស្រុក ស្រីសន្ធរ៤នាក់, ស្រុកស្ទឹងត្រង់៣នាក់, ស្រុកព្រៃឈរ៧នាក់, ស្រុកកងមាស២នាក់, ស្រុកចំការលើ៥នាក់ និងស្រុកកំពង់សៀម៣នាក់។  ចំណែកអ្នកស្លាប់ដោយសារ ជំងឺកូវីដ-១៩ទាំង២នាក់នោះ រួមមានស្ត្រីអាយុ ៦៤ឆ្នាំនៅស្រុកព្រៃឈរ និងស្ត្រីអាយុ៥៤ឆ្នាំ នៅស្រុកស្រីសន្ធរ។