ខេត្តបន្ទាយមានជ័យ បានបន្តរកឃើញអ្នកឆ្លងជំងឺកូវីដ១៩ចំនួន ៨៩នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងខ្ពស់ជាងម្សិលមិញចំនួន ៥នាក់។

យោងតាមរដ្ឋបាលខេត្ត ពលរដ្ឋដែលបាន រកឃើញឆ្លងកូវីដ១៩ទាំងនោះ មានទីលំនៅក្នុងក្រុងសិរីសោភ័ណចំនួន ២៥នាក់, ស្រុកមង្គលបុរី ៣នាក់, ស្រុកភ្នំ ស្រុក ៤នាក់, ស្រុកម៉ាឡៃ ២នាក់, ក្រុងប៉ោយប៉ែត ៥៣នាក់, និងបានឆ្លងលើអ្នកដំណើរមកពីខេត្តបាត់ដំបងចំនួន ម្នាក់ ។

ខេត្តបន្ទាយមានជ័យ នៅថ្ងៃនេះ បានព្យាបាលអ្នកជំងឺកូវីដ១៩ ឲ្យជាសះស្បើយចំនួន ១១០នាក់ ផងដែរ ។