អគ្គិភ័យបានឆាបឆេះផ្សារសេះស កណ្តាលក្រុងកែប បណ្តាលឱ្យខូចខាតកន្លែងលក់ចំនួន១២១តូប ។ ហេតុ ការណ៍ បានកើតឡើងកាលពីព្រលប់ថ្ងៃទី១៩ ខែកក្កដា ឆ្នាំ២០២១ ស្ថិតក្នុងផ្សារសេះស ក្នុងភូមិអូរក្រសារ សង្កាត់អូរក្រសារ នៃក្រុងកែប បន្ទាប់ពីក្រុមអាជីវករនាំគ្នាបិទតូបហើយធ្វើដំណើរទៅផ្ទះរៀងៗខ្លួន។ សមត្ថកិច្ច បានសន្និដ្ឋានថា មូលហេតុដែលនាំអោយកើតមានជាអគ្គីភ័យនោះ គឺបណ្តាល មកពីទុស្សេចរន្តអគ្គិសនី។ សមត្ថកិច្ចថ្លែងថា គេបានប្រើប្រាស់រថយន្តពន្លត់អគ្គីភ័យចំនួន៨គ្រឿងក្នុងការជួយអន្តរាគមន៍បាញ់ពន្លត់។