ការប្រកួតពានរង្វាន់លីគកំពូលកម្ពុជា ឆ្នាំ២០២១ បានឈានចូលសប្តាហ៍ទី១០ នៅចុងសប្តាហ៍នេះ ដោយថ្ងៃ សៅរ៍ទី២៤ មាន៣គូ និងថ្ងៃអាទិត្យទី២៥ ២គូ និងថ្ងៃអង្គារទី២៧ ខែកក្កដា ដោយមានមួយគូ ។
សម្រាប់ការប្រកួតនៅថ្ងៃសៅរ៍ ទី២៤ ខែកក្កដា ឆ្នាំ២០២១ រួមមាន៖
សូលទីឡូអង្គរ Vs ណាហ្គា , គិរីវង់សុខសែនជ័យ Vs ព្រះខ័នរាជស្វាយរៀង , ភ្នំពេញក្រោន Vs វិសាខា។

រីឯការប្រកួតនៅថ្ងៃអាទិត្យ ទី២៥ ខែកក្កដា ឆ្នាំ២០២១ វិញនោះរួមមាន៖
អាស៊ីអឺរ៉ុប យូណាយធីត Vs អង្គរថាយហ្គឺរ , អគ្គិសនីកម្ពុជា Vs ខេត្តព្រៃវែង ។
ដោយចំណែកនៅថ្ងៃអង្គារទី២៧ ខែកក្កដា ឆ្នាំ២០២១
បឹងកេត ប៉ះ នគរបាលជាតិ នៅកីឡដ្ឋាន Cambodia Air Way

សូមបញ្ជាក់ថា ការប្រកួតបាល់ទាត់លីគកំពូលកម្ពុជា គិតត្រឹមសប្តាហ៍ទី៩ ក្រុមអង្គរថាយហ្គឺរ ឈរកំពូលតារាង ឆ្លងកាត់ ៩ប្រកួត ឈ្នះ៦ ស្មើ១ ចាញ់២ មាន១៩ពិន្ទុ , លេខ២ ក្រុមវិសាខា ឆ្លងកាត់៨ប្រកួត ឈ្នះ៥ ស្មើ៣ មាន១៨ពិន្ទុ ក្រុមណាហ្គាវើលដ៍ លេខ៣ ឆ្លងកាត់៨ប្រកួត ឈ្នះ៥ ស្មើ២ ចាញ់១ មាន១៧ពិន្ទុ ខណៈសូលទីឡូអង្គរ មានសូន្យពិន្ទុ ដោយ៨ប្រកួតចាញ់ទាំងអស់ ឈរបាតតារាង ៕