ក្រុមហ៊ុនប៊ូអ៊ីងនឹងព្យាយាមហោះហើរសាកល្បងម្តងទៀតក្នុងគោលបំណងដើម្បី ប្រជែងនឹងក្រុមហ៊ុន SpaceX
បន្ទាប់ពីមានការពន្យាពេលជាច្រើនលើក ពេលនេះក្រុមហ៊ុនប៊ូអ៊ីង គ្រោងនឹងបាញ់បង្ហោះយានអវកាសឈ្មោះ Starliner ដែលត្រូវបានគេរំពឹងទុក ជាយូរមកហើយដែលត្រូវបានផលិតឡើងដើម្បីដឹកអ្នកអវកាសយានិករបស់អង្គការណាសាលើការហោះហើរសាកល្បង មិនបានបើកទៅកាន់ស្ថានីយអវកាសអន្តរជាតិដែលជាការប៉ុនប៉ងលើកដំបូង របស់ក្រុមហ៊ុនកាលពី ១៨ ខែមុន។
នៅថ្ងៃពុធនេះ វាក្លាយជាពេលវេលាសម្រាប់ធ្វើការសម្រេចចិត្ត របស់ក្រុមហ៊ុនប៊ូអ៊ីងនិង ណាសា។ ក្រុមហ៊ុនយក្សអវកាសក៏កំពុងពិចារណា ចូលរួមជាមួយក្រុមហ៊ុន SpaceX ក្នុងការដឹកមនុស្សទៅស្ថានីយអវកាស។
យាន្តអវកាស The Starliner គ្រោងនឹងបាញ់បង្ហោះពីរដ្ឋផ្លរីដា នៅរសៀលថ្ងៃសុក្រខាងមុខនេះ ហើយចូលចតជាមួយ ISS នៅថ្ងៃសៅរ៍នេះ។ ប៉ុន្តែនៅពេលដែលមានយាន្តពិសោធន៍ថ្មីមួយ មកពីប្រទេសរុស្ស៊ីឈ្មោះ Nauka បានចូលចតនៅស្ថានីយ៍អវកាស នៅព្រឹកថ្ងៃព្រហស្បតិ៍ សប្តាហ៏មុនហើយឧបករណ៍រុញយាន្ត Nauka បានចាប់ផ្តើមឆាបឆេះដោយមិននឹកស្មានដល់។
ទោះបីជាអង្គការណាសា បានបញ្ជាក់ថា គ្មាននរណាម្នាក់ស្ថិតក្នុងគ្រោះថ្នាក់ហើយគេបានគ្រប់គ្រងស្ថានការណ៏បានដូចដើមវិញហើយ ក៏ការហោះហៅរបស់ Starliner ត្រូវបានពន្យារពេលដើម្បីអនុញ្ញាតឱ្យការត្រួតពិនិត្យ ដើម្បីធានាថាស្ថានីយ៍អាច ត្រៀមខ្លួន សម្រាប់ការមកដល់របស់យាន្ត Starliner។
ការបាញ់សាកល្បងយាន្ត Starliner របស់ប៊ូអ៊ីងគឺស្ថិតក្នុងចំណោមបេសកកម្មសំខាន់បំផុតប្រចាំឆ្នាំរបស់ក្រុមហ៊ុនប៊ូអ៊ីងនិង អង្គការណាសា។ ជោគជ័យនៃ បេសកកម្មនេះ គឺមានសារៈសំខាន់ណាស់សម្រាប់ ក្រុមហ៊ុនប៊ូអ៊ីងដែលបានធ្វើការតាំងពីដើមឆ្នាំ ២០១០ ដើម្បីអភិវឌ្ឈ វិស័យយានអវកាសដែលមានសមត្ថភាព គ្រប់គ្រាន់ដឹកអវកាសយានិកទៅ និងមកពីស្ថានីយអវកាសអន្តរជាតិ ISS (International Space Station) ប៉ុន្តែវាបានជួបប្រទះការពន្យារពេលនិងការជាប់គាំងបច្ចេកទេសជាច្រើន។ ណាសានិងប៊ូអ៊ីង មានការព្រួយបារម្ភ និងចង់ឃើញយានអវកាស Starliner បញ្ចប់ការធ្វើតេស្តនេះដោយសុវត្ថិភាពដើម្បីឱ្យវាអាចបន្តដំណើរ បានដូចការគ្រោងទុក។
យាន្តអវកាស Starliner នឹងហោះហើរដោយកាបីនទទេ ជាមួយនឹងទំនិញសម្រាប់ការផ្គត់ផ្គង់ប្រហែល ២២០ គីឡូក្រាម។
បើអ្វីៗដំណើរការល្អដូចការចង់បាន និងគ្រោងទុក អវកាសយានិកទាំង៧ នាក់ នៅ ISS នឹងអាចទៅយកទំនិញដែលយាន្ត Starliner កំពុងដឹកនោះទៅប្រើប្រាស់ផងដែរ។ បន្ទាប់មកពួកគេ នឹង យក ទំនិញជិត ៣០០គីឡូក្រាម ដាក់ចូលទៅក្នុងយាន្តវិញ ដែលជាសម្ភារះដែលបានប្រើរួចសម្រាប់ការពិសោធន៍វិទ្យាសាស្ត្រនិងកាកសំណល់សំរាម ដើម្បីបញ្ជូនត្រឡប់មកផែនដីវិញ។
ខណះពេលដែល ណាសា ជាធម្មតាតែងតែបង់ប្រាក់ឱ្យក្រុមហ៊ុនដើម្បីដឹកទំនិញទៅនិងមកពីស្ថានីយអវកាស ការហោះហើរជើងនេះ យ៉ាងណាមិញវានឹងមិនគិតថ្លៃនោះទេនៅលើកនេះ។
ក្រុមហ៊ុនប៊ូអ៊ីង បានយល់ព្រមបញ្ចប់បេសកកម្មនេះដោយខ្លួនឯងបន្ទាប់ពីមានការប៉ុនប៉ងលើកដំបូងរបស់ខ្លួនហើយបានទទួលបរាជ័យនៅខែធ្នូឆ្នាំ ២០១៩កន្លងទៅ។ ក្នុងអំឡុងពេលនៃការសាកល្បងហោះហើរដែលមិនបានទទួលបានជោគជ័យលើកដំបូងរបស់យានអវកាស Starliner គឺមានបញ្ហាបានកើតឡើងភ្លាមៗដោយសារបញ្ហាបច្ចេកទេសដែលបណ្តាលឱ្យយានអវកាសបាញ់ខុស ហើយបញ្ជូនវាទៅឆ្ងាយហើយបង្ខំឱ្យវាវិលត្រឡប់មកផែនដីវិញភ្លាមៗ។