ជប៉ុន នឹងដាក់ពង្រាយប្រព័ន្ធការពារមីស៊ីល ដើម្បីទប់ទល់នឹងយោធាចិន
មឹង ច័ន្ទសុម៉ានីតា
មន្រ្តីមកពី ក្រសួងការពារជាតិកំពូល របស់ប្រទេសជប៉ុន បានបញ្ជាក់ពីផែនការដាក់ពង្រាយកម្លាំងការពារមីស៊ីលពី“ ៥០០ ទៅ ៦០០” បន្ថែមទៀត នៅលើកោះមួយនៅភាគខាងលិចប៉ាស៊ីហ្វិកដើម្បី បង្កើនសមត្ថភាពទប់ទល់នឹងយុទ្ធសាស្ត្រ តំបន់របស់ចិន។ លោក Nobuo Kishi រដ្ឋមន្ត្រីក្រសួងការពារជាតិ ជប៉ុន បានប្រាប់អ្នកយកព័ត៌មាន កាលពីថ្ងៃអង្គារថា រដ្ឋាភិបាលសង្ឃឹមថានឹងដាក់ពង្រាយអង្គភាពប្រឆាំងយន្តហោះនិងនាវា ទៅកាន់ តំបន់ Ishigaki ផ្នែកមួយនៃខេត្ត Okinawa ។ ហើយតំបន់ដដែលនេះក៏ស្ថិតនៅចុងកោះ Nansei ដែលមានចំងាយតែ ១៨៥ ម៉ាយពី តៃវ៉ាន់ប៉ុណ្ណោះ ។
កាលពីដើម ខែមេសានេះ លោក Kishi បានទៅសួរសុខទុក្ខកងទ័ពជប៉ុន នៅលើតំបន់Yonaguni ហើយលោកថា គាត់ស្ទើរតែអាចមើលឃើញឆ្នេរសមុទ្រ តៃវ៉ាន់ដែលមានចម្ងាយតិចជាង១០០ម៉ែត្រ ឃើញទៅហើយ។ លោក Kishi ក៏បាននិយាយបន្ត ថាការកំណត់ពេលវេលាសម្រាប់ការដាក់ពង្រាយនេះ មិនទាន់ត្រូវបានគេដឹងច្បាស់នៅឡើយទេ ប៉ុន្តែក្រសួងការពារជាតិជប៉ុន បានរាយការណ៍ថាមានបំណងបញ្ចប់នៅចុងឆ្នាំ ២០២២ នេះបើយោងតាមការចុះផ្សាយរបស់សារព័ត៌មាន មួយ។
នៅថ្ងៃទី ១៣ ខែកក្កដា របាយការណ៏ស របស់ក្រសួងការពារជាតិ របស់ជប៉ុន បានសម្តែងការព្រួយបារម្ភយ៉ាងខ្លាំងចំពោះសកម្មភាពរបស់ចិន នៅលើកោះ Senkaku ដែលទីក្រុង ប៉េកាំង កំពុងមានជម្លោះជាមួយជប៉ុន។ បន្ថែមពីលើនេះទៅទៀត ឯកសារស នេះក៏គឺជាឯកសារយោង ជាប្រវត្តិសាស្ត្រដំបូងបង្អស់ដែលបាន លើកឡើងពីសន្តិសុខរបស់តៃវ៉ាន់។
ប្រភព៖
Japan to Deploy Island Missile Defenses to Counter China Military Blockade