បញ្ហារបួសបានធ្វើអោយអ្នកប្រដាល់សញ្ជាតិអាមេរិក Errol Spence បានដកខ្លួនចេញក្នុងជំនួបជាមួយ Manny Pacquiao ដែលត្រូវធ្វើឡើងនៅថ្ងៃទី២១ ខែសីហា ឆ្នាំ២០២១ខាងមុខនេះ ។

គួរបញ្ជាក់ថា កីឡាករ Spence ត្រូវប្រកួតការពារខ្សែក្រវ៉ាត់ WBC និង IBF ប្រភេទទម្ងន់ Welterweight របស់ខ្លួនជាមួយនឹង Manny Pacquiao ។ ប៉ុន្តែថ្មីៗនេះ កីឡាករអាមេរិកបានប្រកាសព័ត៌មាន ពីបញ្ហារបួសភ្នែក ដោយគ្រូពេទ្យបដិសេធមិនឲ្យប្រកួតតម្រូវអោយធ្វើការវះកាត់ជាបន្ទាន់ ។
បានដកខ្លួនរបស់ Spence ត្រូវអោយកីឡាករគុយបា វ័យ៣៥ឆ្នាំ Yordenis Ugas ប្រកួតជំនួសវិញ ដោយមិនផ្លាស់ប្តូរថ្ងៃប្រកួតនោះឡើយ ។ Spence បានបង្ហាញការខកចិត្តខ្លាំងណាស់ ដែលមិនអាចប្រកួតជាមួយ Pacquiao ។

សូមបញ្ជាក់ថា កីឡាករ Yordenis Ugas ធ្លាប់ប្រកួតបាន៣០ដង ឈ្នះ២៦ ចាញ់៤ ប៉ុណ្ណោះ ។ ១២ប្រកួតចុងក្រោយចាញ់តេម្ដងគត់ ក្រោមកណ្ដាប់ដៃរបស់កីឡាករអាមេរិក Shawn Porter កាលពីខែមីនា ឆ្នាំ២០១៩ ៕