លោក ហ៊ុន ចាន់រាជ ប្រធានក្លិបខេមបូឌាថប់ធីម និងជាដៃគូសហការនៃកម្មវិធីប្រដាល់ WLC WOLD LETHWEI CHAPIONSHIP ដែលគ្រោងរៀបចំនៅលើទឹកដីកម្ពុជានៅដើមខែមេសាខាងមុខនេះ បានបញ្ជាក់ថា បេក្ខភាពកីឡាករប្រដាល់៩រូបរបស់កម្ពុជាដែលគ្រោងប្រកួតដណ្តើមខ្សែក្រវ៉ាត់ជាមួយកីឡាករបរទេស និងត្រូវផ្លាស់ប្តូរសមាសភាពកីឡាករថ្មីមួយរូបវិញជំនួសកកីឡាករ  សុខ ធី បន្ទាប់ពីសុខ ធីបានប្រកាសដកខ្លួនមិនចូលរួមប្រកួត។

លោក អះអាងថា កីឡាករថ្មីដែលកម្មវិធីយើងជ្រើសរើសមកជំនួសកន្លែងកីឡាករ សុខ ធី បច្ចុប្បន្នពុំទាន់សម្លឹងឃើញកីឡាកររូបណាដែលសាកសមនៅឡើយនោះទេ ពោលគឺយើងកំពុងមើលទៅតាមបណ្តាក្លិបថាកីឡាកររូបណាសាកសម និងមិនជាប់ភារៈកិច្ចប្រកួតដណ្តើមខ្សែក្រវ៉ាត់នៅសង្វៀនក្នុងស្រុក។

អ្នកសម្របសម្រួលកម្មវិធីប្រដាល់WLC WOLD LETHWEI CHAPIONSHIP ប្រចាំកម្ពុជារូបនេះបន្តថា WOLD LETHWEI CHAPIONSHIP ដែលរៀបចំនៅកម្ពុជាលើកទី១នេះលក្ខន្តិកៈនៃការប្រកួតគឺមិនយកតាមកម្មវិធី WOLD LETHWEI CHAPIONSHIP នៅមីយ៉ាន់ម៉ាទាំងស្រុងនោះទេ ពោលគឺមានលាយច្បាប់គុណខ្មែរពាក់កណ្តាល។

លោក ពន្យល់ថា ការរៀបចំនៅទឹកដីកម្ពុជាលើកដំបូងនេះកម្មវិធីប្រដាល់ WLC WOLD LETHWEI CHAPIONSHIP គ្រោងចំណាយប្រមាណជាជាង២០ម៉ឺនដុល្លារសហរដ្ឋអាម៉េរិក ហើយប្រសិនបើកម្មវិធីប្រដាល់ កម្រិតពិភពលោកនេះ ដំណើរការជោគជ័យសម្រាប់ការរៀបចំលើកទី១នេះ នៅឆ្នាំក្រោយៗទៀតអាច នឹងរៀបចំក្នុងមួយឆ្នាំ២ដង។

គិតមកត្រឹមថ្ងៃទី១១ ខែកុម្ភៈនេះ កីឡាករ៩រូប ដែលមានវត្តមានប្រកួតប្រកួតតតាំងដណ្តើមខ្សែក្រវ៉ាត់ជាមួយកីឡាករបរទេស គឺកម្មវិធីប្រដាល់ WLC WOLD LETHWEI CHAPIONSHIP បញ្ចេញព័ត៌មានឲ្យដឹងទើបតែ២រូបប៉ុណ្ណោះ គឺកីឡាករ សុខ រិទ្ធ និង កីឡាករសែន រ៉ាដេត។

សូមបព្ជាក់ថា កម្មវិធីប្រដាល់ WLC WOLD LETHWEI CHAPIONSHIP ដែលរៀបចំនៅទឹកដីកម្ពុជាលើកដំបូងនេះ និងរៀបចំនៅថ្ងៃទី៣ខែ មេសា ឆ្នាំ២០២០នៅក្នុងពហុកីឡដ្ឋានជាតិ ដោយមានសមាសភាព កីឡាករកម្ពុជា៩រូប ប្រកួតដណ្តើមខ្សែក្រវ៉ាត់ ជាមួយកីឡាករបរទេសចាប់ពីទម្ងន់៥១ដល់៦៥គីឡូក្រាម៕