ការឆ្លងវីរុសបំប្លែងថ្មី Delta ត្រូវបានរកឃើញជាបន្តបន្ទាប់ថែមទៀតក្នុងសប្តាហ៍នេះ ដែលនាំ តួលេខ ឆ្លង វីរុស ឆ្លងលឿននិងកាចសាហាវនេះ បានកើនឡើងសរុបចំនួន១ពាន់៧៥២ករណីហើយ។

សេចក្តីរាយការណ៍កាល ពីថ្ង ទី២៤សីហាមុននេះ តួលេខនៃវីរុសបំប្លែងថ្មី Deltaនេះ មានចំនួន១ពាន់៣២៥ករណី ប៉ុន្តែតួលេខបានកើន ឡើង ៤២៧ករណីក្នុងរយៈពេល៦ថ្ងៃបន្ទាប់ទៀតមកនេះ។ វីរុសបំប្លែងថ្មី Deltaនេះ គឺជាវីរុសដែលធ្លាប់បង្កគ្រោះ ថ្នាក់ធំធេងរួចមកហើយនៅក្នុងប្រទេសឥណ្ឌាកន្លងមកនេះ និងវីរុសបំប្លែងថ្មី Delta នោះ ត្រូវបានរាជរដ្ឋាភិបាល កម្ពុជាបានចាត់ទុកជាសត្រូវធំបំផុតនាពេលនេះ ដែលចាំបាច់ត្រូវនាំគ្នាទប់ស្កាត់និងការរារាំងមិនឲ្យឆ្លងចូលក្នុង សហគមន៍។ ក្រសួងសុខាភិបាលបានឲ្យដឹងថា ក្នុងចំណោមរាជធានីនិងខេត្ត២៣ដែលវីរុសបំប្លែងថ្មីDeltaកំពុង រាតត្បាតនាពេលនេះរាជធានីភ្នំពេញមានការឆ្លងច្រើនជាងគេចំនួន៥៣២នាក់, ខេត្តបន្ទាយមានជ័យ ៣២៥នាក់, ខេត្តឧត្តរមានជ័យ២២៥នាក់, ខេត្តសៀមរាប១៨០នាក់, ខេត្តប៉ៃលិន២៧នាក់, ខេត្តព្រះវិហារ ៧៧នាក់, ខេត្តបាត់ ដំបង៣៣នាក់, ខេត្តស្វាយរៀង៤៥នាក់, ខេត្តកំពង់ធំ៤០នាក់, ខេត្តត្បូងឃ្មុំ១២នាក់, ខេត្តកំពង់ចាម ២៩នាក់,

ខេត្តរតនគិរី១០នាក់, ខេត្តកំពង់ស្ពឺ ៩នាក់, ខេត្តកណ្តាល ៤៦នាក់, ខេត្តព្រៃវែង ៣នាក់ , ខេត្តកំពត៣នាក់, ខេត្ត ស្ទឹងត្រែង៩៥នាក់, ខេត្តកំពង់ឆ្នាំង ៥នាក់ , ខេត្តពោធិសាត់ ១០នាក់ , ខេត្តកោះកុង ៣នាក់, ខេត្តមណ្ឌលគិរី ២៦នាក់, ខេត្តព្រះសីហនុ ៥នាក់ , និងខេត្តតាកែវ ១២នាក់។ ខេត្តចំនួន២ផ្សេងទៀត ដែលមិនទាន់មានការឆ្លង វីរុសបំប្លែងថ្មី Delta នោះគឺខេត្តក្រចេះ និងខេត្តកែប។