យោងតាមក្រសួងសុខាភិបាល នៅថ្ងៃទី៣១ សីហា ឆ្នាំ២០២១ បានឲ្យដឹងថា នៅថ្ងៃ៣០ សីហា ឆ្នាំ២០២១ គេបានរកឃើញអ្នកវិជ្ជមានកូវីដ-១៩ ចំនួន ៤៣៩នាក់ ដែលក្នុងនោះអ្នកដំណើរមកពីបរទេសចំនួន ១២៣នាក់ និងករណីឆ្លងសហគមន៍៣១៦នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ៣០សីហា មានអ្នកជាសះស្បើយពីជំងឺកូវីដ-១៩ ចំនួន៣៤៣នាក់ និងមានអ្នកស្លាប់១១នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៣០សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៩ម៉ឺន៣ពាន់៥៥នាក់ ក្នុងនោះបានព្យាបាលជាសះស្បើយចំនួន៨ម៉ឺន៨ពាន់៧៨៦នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៩០៣នាក់ហើយ។