យោងតាមក្រសួងកសិកម្ម រុក្ខាប្រមាញ់ និងនេសាទ បានបង្ហាញថា ក្នុងរយៈពេល ៨ខែ ឆ្នាំនេះ កម្ពុជា បាននាំចេញគ្រាប់ស្វាយចន្ទីមានចំនួន ៨៧ម៉ឺន៦ពាន់ ៥២១,១៩តោន ទៅកាន់១១ ប្រទេស ដោយបានកើនឡើងចំនួន ៣៤០,៦១% បើប្រៀបធៀបនឹងរយៈពេលដូចគ្នា២០២០។ ប្រទេសចំនួន១១ ដែលកម្ពុជាបាននាំចេញគ្រាប់ស្វាយចន្ទីទៅ មានដូចជា ប្រទេសវៀតណា,ចិន, ថៃ, ជប៉ុន, ឥណ្ឌា, កូរ៉េ, អារ៉ាប់, ហូឡង់, បង់ក្លាដែស,ឡាវ, តូហ្គោ, និងប្រទេសអារ៉ាប់រួម ។

សម្រាប់ការនាំចេញកសិផលសរុបរបស់កម្ពុជា ក្នុងរយៈពេល៨ខែ ឆ្នាំ២០២១នេះដែរ មានកំណើនចំនួន ៨៩,៦៨% ក្នុងនោះ កសិផល ក្រៅពីអង្ករ មានការកើនឡើងចំនួន ១១០,១៥%។ រីឯការនាំចេញអង្ករមានការថយចុះចំនួន -២៣,៣៧% ដោយ សារ កង្វះទូរកុងតឺន័រសម្រាប់ផ្ទុក និងតម្លៃដឹកជញ្ជូនកើនឡើង។ តម្លៃដឹកជញ្ជូនទំនិញ ពីកម្ពុជាទៅទីផ្សារអន្តរជាតិ បានកើន ឡើងជាបន្តបន្ទាប់ ចាប់តាំងពីមានការរីករាលដាល ជំងឺកូវីដ១៩។

អ្នកជំនាញលើកឡើងថា ការកើនឡើងតម្លៃដឹក ជញ្ជូន ទំនិញ ទៅទីផ្សារអន្តរជាតិ បានក្លាយជា ឧបសគ្គដ៏ធំ សម្រាប់ផែនការនាំចេញអង្ករកម្ពុជា ទៅទីផ្សារអន្តរជាតិ ក្នុងឆ្នាំ២០២ ១នេះ៕