រាជធានីភ្នំពេញ៖ ក្រសួងប្រៃសណីយ៍ និងទូរគមនាគមន៍បានបញ្ជាក់ថាប្រព័ន្ធស្នើសុំប្រតិបត្តិការលើវិស័យប្រៃសណីយ៍ និងបច្ចេកវិទ្យាគមនាគមន៍និងព័ត៌មានហៅកាត់ប្រព័ន្ធ e-Registration គឺជាសេវាការស្នើសុំ បែបបច្ចេកវិទ្យាគមនាគមន៍ និង ព័ត៌មាន ដូចជាលិខិតអនុញ្ញាត ,វិញ្ញាបនបត្រ ,អាជ្ញាបណ្ណ ។ក្រៅពីនេះក៏មានសេវាប្រៃសណីយ៍ ក្នុងនេះដូចជា លិខិតអនុញ្ញាត និងអាជ្ញាបណ្ណជាដើម។

ជាមួយគ្នាក្រសួងមួយនេះក៏បានបង្ហាញឱ្យម្ចាស់អាជីវកម្មស្នើសុំ លិខិតអនុញ្ញាត វិញ្ញាបនបត្រ ឬ អាជ្ញាបណ្ណ លើវិស័យប្រៃសណីយ៍និងបច្ចេកវិទ្យាគមនាគមន៍និងព័ត៌មានតាមប្រព័ន្ធឌីជីថល។សម្រាប់គោលបំណងនោះគឺផ្តល់ភាពងាយស្រួលនិងឆាប់រហ័សក្នុងការស្នើសុំតាមរយៈសេវាសាធារណៈឌីជីថលប្រកបដោយប្រសិទ្ធភាព និងគណនេយ្យភាព។

ចំពោះអត្ថប្រយោជន៍វិញគឺ ម្ចាស់អាជីវកម្មចំណេញពេលវេលា កាត់បន្ថយភាពស្មុគស្មាញ និងដឹងពីស្ថានភាពនៃការស្នើសុំ។ការទូទាត់ប្រាក់តាមប្រព័ន្ធអនឡាញតាមរយៈABA CANADIA និងACLEDA។។សេវាបែបនេះទទួលការអនុម័តឆាប់រហ័ស។ក្រៅពីនេះគេក៏អាចទាញយកនិងបោះពុម្ភ លិខិតអនុញ្ញាត វិញ្ញាបនបត្រ ឬ អាជ្ញាបណ្ណឌីជីថល ប្រសិបើអ្នកទទួលបានការអនុម័ត៕ដោយ៖ម៉ាដេប៉ូ